Pesalemo 75:1-10
-
ʼE faifakamau te ʼAtua ʼi te faitotonu
-
ʼE inu anai e te kau agakovi te ipu ʼo Sehova (8)
-
Ki te pule ʼo te kau faimaholo. Pesalemo ʼa Asafe,+ ʼo mulimuli ki te fasi ʼo te hiva “ ʼAua Naʼa Ke Maumauʼi.”
75 ʼAtua e, ʼe matou fakafetaʼi atu, ʼei, ʼe matou fakafetaʼi atu.ʼE ke nofo mo matou,+Pea ʼe kalagaʼi e te hahaʼi ʼau gaue fakaofoofo.
2 ʼE ke ui: “ ʼE au fakatuʼutuʼu he temi ki te faifakamau,Pea ʼe au faifakamau ʼi te faitotonu.
3 ʼI te temi ʼae neʼe galulu ai te kele pea mo tete ai te hahaʼi fuli,Ko au ʼae neʼe au fakamalohiʼi ʼona pou.” (Sela)
4 ʼE au ui ki te kau laupisi: “ ʼAua naʼa kotou laupisi,”
Ki te kau agakovi: “ ʼAua naʼa kotou fiameʼameʼa ʼi tokotou malohi.*
5 ʼAua naʼa kotou fiameʼameʼa fau ʼi tokotou malohi,*Pea ʼaua naʼa kotou palalau fiatuʼu.
6 ʼE mole haʼu te kololiaMai te potu esite, peʼe mai te potu uesite, peʼe mai te potu saute.
7 Ko te ʼAtua ʼae ʼe Tuʼi Fakamau.+
ʼE ina fakamalaloʼi he tahi kae ʼe ina fakamaʼuhigaʼi he tahi.+
8 ʼE ʼi ai te ipu ʼi te nima ʼo Sehova.+ʼE fiho te vino pea ʼe fio mo te ʼu meʼa fakamagoni.
ʼE huaʼi moʼoni anai e te ʼAtua,Pea ʼe inu fuli anai e te kau agakovi ʼo te kele.”+
9 Kae ʼe au kalagaʼi anai au te aluʼaga ʼaia ʼo talu ai.ʼE au fia hiva ni fakavikiviki* ki te ʼAtua ʼo Sakopo.
10 ʼE ina ui: “ ʼE au pulihi anai te malohi* ʼo te kau agakovi,Kae ʼe vikiʼi anai te malohi* ʼo te kau faitotonu.”
