Pesalemo 35:1-28
Pesalemo ʼa Tavite.
35 Sehova e, haofaki au mai ʼoku fili,+Tauʼi ia natou ʼae ʼe fakafeagai mai kia au.+
2 Toʼo tau meʼa tali tau veliveli* pea mo ʼae ʼe lahi,+Pea tuʼu ake ʼo haofaki au.+
3 Hiki tau tao mo tau toki kia natou ʼae ʼe natou tuli au.+
Ui mai: “Ko au tou fakamaʼuli.”+
4 Ke ufiufi mo lainoa ai ia natou ʼae ʼe natou tuli au.+
Ke holomuli ia natou ʼae ʼe natou fakakaukau ke natou matehi au, pea ke natou ufiufi.
5 Ke natou viligia ohage ko te kiliʼi fulumeto ʼi te matagi.Ke kapu natou e te ʼaselo ʼa Sehova.+
6 Ke fakapoʼuli mo hekeheke tonatou ala,Pea ke tuli natou e te ʼaselo ʼa Sehova.
7 Neʼe natou fai fakafufu he hele kia au kae neʼe mole hona tupuʼaga.Neʼe natou keli hoku luo kae neʼe mole hona tupuʼaga.
8 Ke hoko fakapunamaʼuli he malaʼia kia natou,Ke natou to ki te hele ʼae neʼe natou fai fakafufu,ʼEi, ke natou fetoki ki ai pea ke natou mamate ai.+
9 Kae ko au, ʼe au fiafia anai ʼuhi ko Sehova,ʼE au fakafiafia anai ʼi tana haofaki.
10 ʼE ui anai e ʼoku hui fuli:
“Sehova e, ko ai ʼae ʼe hage ko koe?
ʼE ke puipui te kau vaivai mai te kau malolohi,+ʼE ke haofaki te kau vaivai mo te kau masisiva mai te kau kaihaʼa.”+
11 Neʼe ʼomai ni fakamoʼoni loi,+ʼO fehuʼi mai ni meʼa neʼe mole au iloʼi.
12 ʼE natou tauʼi te lelei ʼae ʼe au fai age ʼaki te kovi,+ʼO au lotomamahi ʼaupito ai.
13 Kae ʼi te temi ʼae neʼe natou mahahaki ai, neʼe au kofuʼi he taga,*Neʼe au sesunio ke au fakamamahi,Pea ʼi te temi ʼae neʼe mole tali mai ai ki ʼaku faikole,
14 Neʼe au fealuʼaki ohage ʼe au putu ki hoku kaumeʼa peʼe ki hoku tehina.Neʼe au mapelu ʼi toku mamahi, ohage ko he tagata ʼe ina tagiʼi tana faʼe.
15 Kae ʼi te temi ʼae neʼe au tukia ai, neʼe natou fakafiafia mo fakatahitahi,ʼEi, neʼe natou fenonoʼi fakatahi ke natou ʼohofi au,Neʼe mole natou fakalogologo ʼi tanatou tauʼi au.
16 ʼE vaʼi mo meʼa noaʼi au e te hahaʼi ʼae ʼe mole fakaʼapaʼapa ki te ʼAtua,*ʼE natou gugu nifo ʼuhi ko au.+
17 Sehova e, ʼe kaku anai ki ʼafea tau nofo pe ʼo sioʼi natou?+
Haofaki au moka natou ʼohofi au,+Haofaki toku maʼuli mai te ʼu laione kei mui.+
18 Koia ʼe au fakafetaʼi anai kia te koe ʼi te kaugamalie,+ʼE au vikiʼi anai koe ʼi te lotolotoiga ʼo te hahaʼi.
19 Ke mole fakafiafia ʼi toku malaʼia, ia natou ʼae neʼe liliu ko ʼoku fili kae ʼe mole hona tupuʼaga.Ke ʼaua naʼa vaʼi au e natou ʼae ʼe fehihiʼa kia au kae ʼe mole hona tupuʼaga.+
20 ʼE mole natou fai he ʼu palalau ʼi te tokalelei,Kae ʼe natou fai ni fakatuʼutuʼu kaka ʼo ʼuhiga mo te hahaʼi ʼae ʼe maʼuli tokalelei ʼi te fenua.+
21 ʼE natou avahi lahi ʼonatou gutu ʼo tukugakoviʼi au,ʼO ui: “Moʼoni, neʼe matou sio tonu ki ai.”
22 Sehova e, neʼe ke sio ki te ʼu meʼa ʼaia, ʼaua naʼa ke fakalogologo.+
Sehova e, ʼaua naʼa ke nofo mamaʼo ia au.+
23 ʼAla ake pea ke tuʼu ake ʼo haofaki au,Sehova e, siʼoku ʼAtua puipui au ʼi toku fakamau.
24 Sehova e, toku ʼAtua fakamauʼi au ʼo mulimuli ki tau faitotonu.+Ke mole natou fakafiafia ʼi toku malaʼia.
25 Ke mole natou feuiʼaki ʼi he temi: “Koʼena la te meʼa ʼae neʼe matou loto ki ai.”
Ke mole natou ui ʼi he temi: “Neʼe matou pulihi ia ia.”+
26 Ke fakalainoaʼi pea mo ufiufi fuliIa natou ʼae ʼe fakafiafia ʼi toku malaʼia.
Ke ufiufi mo lainoa ai ia natou ʼae ʼe fia maʼoluga age ia au.
27 Kae ke kalaga fakafiafia ia natou ʼae ʼe natou leleiʼia taku faitotonu.Ke natou ui tuʼumaʼu:
“Ke vikiʼi ia Sehova ʼae ʼe ina leleiʼia te tokalelei ʼo tana kaugana.”+
28 Koia ʼe au fakamatala* anai tau faitotonu,+Pea ʼe au vikiʼi anai koe ʼi te ʼaho katoa.+
Nota
^ Neʼe tau fakaʼaogaʼi te ʼu meʼa tali tau ʼaia e te kau fainahau.
^ Vakaʼi Te ʼu Kupu.
^ Peʼe lagi “ ʼE vava te hahaʼi ʼae ʼe mole fakaʼapaʼapa ki te ʼAtua ke maʼu ai he foʼi keke.”
^ Peʼe “metitasioʼi.”
