Pesalemo 21:1-13
Ki te pule ʼo te kau faimaholo. Pesalemo ʼa Tavite.
21 Sehova e, ʼe fakafiafia te hau ʼi tou malohi!+ʼE fakafiafia ʼi tau haofaki!+
2 Neʼe ke fakahoko te fakaʼamu ʼo tona loto,+Pea neʼe mole ke fakafisi ki tana kole. (Sela)
3 ʼE ke haʼu ki ʼona muʼa mo ni tapuakina lahi.ʼE ke hili ki tona ʼulu he pale aulo.+
4 Neʼe ina kole atu te maʼuli pea neʼe ke foaki age+He maʼuli loaloaga, ʼei, he maʼuli heʼe gata.
5 ʼE lahi tona kololia koteʼuhi neʼe ke haofaki ia ia.+
Neʼe ke foaki age te maʼuhiga pea mo te taulekaleka.
6 ʼE ina maʼu ni tapuakina heʼe gata,+ʼE ke fakafiafiaʼi tona loto ʼi tau nofo mo ia.+
7 ʼE falala te hau kia Sehova,+ʼE mole tukia anai ʼi he temi, ʼuhi ko te ʼofa agatonu ʼo te Maʼoluga.+
8 ʼE ke puke anai ʼou fili fuli,ʼEi, ʼe ke puke anai ia natou ʼae ʼe fehihiʼa ia koe ʼaki tou nima mataʼu.
9 ʼI tona temi totonu ʼe ke tokagaʼi anai natou, ʼo ke fakaliliu ke natou hage ko he afi kakaha.
ʼE matehi anai natou e Sehova ʼi tona hauhau, ʼo pulihi ai natou ʼi te afi.+
10 ʼE ke pulihi anai ʼonatou hologa ʼi te kele,ʼEi, ʼonatou hologa ʼi te ʼu foha ʼo te tagata.
11 Neʼe natou fakakaukauʼi te kovi kia koe,+Neʼe natou fai ni fakatuʼutuʼu kaka, kae ʼe mole hoko anai.+
12 ʼEi, ʼe ke fakaholomuli anai natou,+ʼI tau teuteuʼi tau nahau moʼo fana ʼo natou.
13 Sehova e, tuʼu ake pea ke fakaha tou malohi.
ʼE matou fia fakavikiviki tou mafimafi ʼaki ni hiva.
