Pesalemo 109:1-31
Ki te pule ʼo te kau faimaholo. Pesalemo ʼa Tavite.
109 ʼAtua e, ia koe ʼae ʼe au vikiʼi,+ ʼaua naʼa ke nofo fakalogologo.
2 ʼE palalau kovi te kau agakovi mo te hahaʼi kaka kia au.
ʼE natou palalau kaka ʼo ʼuhiga mo au.+
3 ʼE lahi ʼanatou palalau fakalotomamahi,Pea ʼe natou tauʼi au kae ʼe mole ʼi ai hona tupuʼaga.+
4 ʼE natou fakafeagai kia au logope la toku ʼofa kia natou,+Kae ʼe hoko atu pe taku ia faikole.
5 ʼE natou tauʼi te lelei ʼae ʼe au fai ʼaki te kovi,+Pea mo toku ʼofa ʼaki tonatou fehiʼa.+
6 Fakanofo he tagata agakovi ke pule ki toku fili,*Ke tuʼu ʼi tona faʼahi mataʼu he tahi ʼe fakafeagai ki ai.*
7 Ka fakamauʼi, ke tala ʼe lakahala.Pea ke hage tana faikole ko he agahala.+
8 Ke mole lahi ʼona ʼaho.+Ke toʼo e he tahi kehe tana gaue taupau.+
9 Ke hala mo tamai ʼana fanau,*Pea ke liliu tona ʼohoana ʼo vitua.
10 Ke taka noa ʼana fanau* ʼo kai kolekole,Pea ke natou kumi mamaʼo tanatou meʼa kai mai ʼonatou ʼapi ʼae kua maumau.
11 Ke toʼo e te tagata ʼae ʼe tuʼu maʼua ki ai ʼona koloa fuli,Pea ke kaihaʼa e te kau matapule ʼana meʼa.
12 Ke mole toe manavaʼofa* he tahi ki ai,Pea ke mole ʼofa he tahi ki ʼana fanau hala mo tamai.
13 Ke pulihi tona hakoga,+Pea ke molehi tonatou higoa ʼi te taʼiake ka hoa mai.
14 Ke manatuʼi e Sehova te hala ʼo ʼana kui,+Pea ke ʼaua naʼa molehi te agahala ʼo tana faʼe.
15 Ke tokagaʼi tuʼumaʼu e Sehova te meʼa ʼae ʼe natou fai.Pea ke mole toe manatuʼi natou ʼi te kele.+
16 Neʼe mole manatu te tagata ʼaia ke manavaʼofa,+Kae neʼe faiga tuʼumaʼu ia ke ina matehi te tagataʼAe ʼe gaohi koviʼi,+ mo masiva pea mo lotomamahi.+
17 Neʼe ina leleiʼia te faitutuku, pea ko te malaʼia ʼae neʼe hoko ki ai.Neʼe mole ina fia tapuakiʼi ʼihi, koia neʼe mole ina maʼu ai ni tapuakina.
18 Neʼe ina tui te faitutuku ohage ko hona kofu,
Neʼe mafola ai ʼi tona sino ohage he vai,Pea ʼi ʼona hui ohage he lolo.
19 Ke hage ʼana faitutuku ko te kofu ʼae ʼe ina tui,+Pea ke hage ko he kiliʼi pipi ʼe ina ʼai tuʼumaʼu.
20 Ko te totogi ʼaia ʼe foaki e Sehova kia ia ʼae ʼe fakafeagai kia au,+Pea mo natou ʼae ʼe laukovi mai kia au.
21 Kae ko koe Sehova te Tuʼi ʼAliki,Tokoni mai ʼuhi ko tou huafa.+
Haofaki au ʼuhi ko te lelei ʼo tou ʼofa agatonu.+
22 ʼE mole hoku puipui pea ʼe au masiva,+Pea kua lavea toku loto.+
23 ʼE au alu ohage ko te malu ʼo te afiafi,ʼE tafiʼi au ohage ko he heʼe.
24 ʼE vaivai ʼoku tuli ʼuhi ko te sesunio,ʼE au sino kovi mo hifo toku malohi.
25 ʼE natou vaʼi au,+
Pea ʼe natou kalokalo moka natou sisio mai.+
26 Sehova e, siʼoku ʼAtua, tokoni mai,Haofaki au ʼaki tou ʼofa agatonu.
27 Ke natou iloʼi ʼe ko tou nima,ʼEi, ko koe Sehova ʼae neʼe ke fai te faʼahi ʼaia.
28 Ke natou faitutuku, kae ke ke tapuakiʼi koe.
Ke natou fakafeagai kia au, kae ke natou ufiufi,Pea ke fiafia tau tagata faifekau.
29 Ke fakalainoaʼi ia natou ʼae ʼe fakafeagai mai kia au,Ke natou tui te ufiufi ohage ko he kofu.+
30 ʼE vikiʼi fakamalotoloto anai e toku gutu ia Sehova,ʼEi, ʼe au vikiʼi anai ia ia ia muʼa ʼo te hahaʼi kaugamalie.+
31 ʼE tuʼu anai ʼi te faʼahi mataʼu ʼo te tagata masiva,Ke ina haofaki mai ia natou ʼae ʼe natou fakatuʼā ia ia.
Nota
^ Hep. “ki ai.”
^ Peʼe “ ʼe ina tukugakoviʼi ia ia.”
^ Hep. “ ʼona foha.”
^ Hep. “ ʼona foha.”
^ Peʼe “ ʼofa agatonu.”
