Taʼaga Lea 30:1-33
30 Koʼeni te logo maʼuhiga neʼe fakaha e Akule foha ʼo Iake, kia Itiele mo Ukale:
2 ʼE au vale age au ʼi te hahaʼi fuli,+Pea ʼe mole au maʼu te ʼatamai ʼae ʼe tonu ke maʼu e he tagata.
3 Neʼe mole au ako te poto,Pea ʼe mole au maʼu te ʼatamai malama ʼo te Maʼoniʼoni.
4 Ko ai ʼae neʼe hake ki selo mo toe hifo mai ai?+
Ko ai ʼae neʼe ina taʼofi te matagi ʼi ʼona ʼalofi nima?
Ko ai ʼae neʼe ina tanaki te vai ʼi tona kofu?+
Ko ai ʼae neʼe ina fakatuʼu te ʼu tuʼakoi ʼo te kele?+
Ko ai tona higoa pea mo te higoa ʼo tona foha? Fakaha mai.
5 ʼE maʼa* te ʼu folafola fuli ʼa te ʼAtua.+
Ko he meʼa tali tau kia natou ʼae ʼe fenonoʼi ia te ia.+
6 ʼAua naʼa ke hilifaki he meʼa ki ʼana folafola+Naʼa ina fakatonutonuʼi koePea ʼe ha lelei ai anai ʼe ke gutuloi.
7 ʼAtua e, ko meʼa ʼe lua ʼe au kole atu.
ʼAua naʼa ke fakafisi ki ai ʼi muʼa ʼo taku mate.
8 Fakamamaʼo ia au te malualoi mo te loi.+
Ke ʼaua naʼa au masiva mo koloaʼia.
Tuku pe ke au kai te meʼa kai ʼae kua vaheʼi mai,+
9 Ke ʼaua naʼa au makona ai mo fakafisi kia te koe mo ui: “Ko ai ia Sehova?”+
Ke ʼaua naʼa ke tuku ke au masiva ke mole au kaihaʼa ai mo ʼulihi te huafa ʼo toku ʼAtua.
10 ʼAua naʼa ke alu ki te pule ʼo fasituʼu ki tana kauganaNaʼa ina laukoviʼi koe pea ʼe ke lakahala ai anai.+
11 ʼE ʼi ai te taʼiake ʼe ina lotokoviʼi tana tamaiPea ʼe mole ina tapuakiʼi tana faʼe.+
12 ʼE ʼi ai te taʼiake ʼe ina ui kua maʼa,+Kae neʼe heʼeki fufulu tona ʼuli.
13 ʼE ʼi ai te taʼiake ʼe fialahi ʼaupito,Pea ʼe ha tana fiameʼalahi ʼi tana faʼahiga sio.+
14 ʼE ʼi ai te taʼiake ʼe hage ʼona nifo ko ni heleta,Mo ʼona kaugao ko ni hele.ʼE ina kai natou ʼae ʼe liliki ʼi te keleMo natou ʼae ʼe masisiva ʼi te hahaʼi.+
15 ʼE kalaga ni ʼuhi ʼe lua ʼo te ʼu ʼunufe mihi toto: “Foaki mai! Foaki mai!”
Ko meʼa ʼe tolu ʼe mole makokona,ʼEi, ko meʼa ʼe fa ʼe mole natou ui ʼi he temi: “Kua feʼauga!”
16 Te Faitoka,*+ he fafine paʼa,He kele magemage,Mo te afi ʼe mole ina ui ʼi he temi: “Kua feʼauga!”
17 Ko ia ʼae ʼe ina vaʼi tana tamai mo meʼa noaʼi te fakalogo ki tana faʼe,+ʼE kapeʼi anai tona foʼi mata e te ʼu kolopo ʼo te vai tafePea mo kai anai e te ʼu ʼuhi ʼo te akuila.+
18 Ko meʼa ʼe tolu ʼe faigataʼa,ʼEi, ko meʼa ʼe fa ʼe mole au mahino ki ai:
19 Te lele ʼa he akuila ʼi te lagi,Te totolo ʼa he gata ʼi he fuʼu maka,Te alaga vaka ʼi te moana,Pea mo te faʼahiga aga ʼa he tagata ki he taʼahine.
20 Koʼeni te aga ʼa he fafine tono:
ʼE kai, ʼe ina holoholoʼi tona gutu,ʼO ina ui: “Neʼe mole au fai he meʼa ʼe kovi.”+
21 Ko meʼa ʼe tolu ʼe galulu ai te kele,ʼEi, ko meʼa ʼe fa ʼe mole lava katakiʼi e te hahaʼi:
22 Ko he kaugana ʼe fakanofo ke hau,+Ko he tahi ʼe vale ʼe kai ʼo makona,
23 Ko he fafine ʼe fehiʼaʼinaʼi kae ʼe ʼohoanaʼi,Pea mo he fafine kaugana ʼe ina fetogi tona fafine pule.+
24 Ko meʼa maʼuli ʼe fa ʼe liliki ʼosi ʼi te kele,Kae ʼe natou popoto ʼosi:+
25 Te ʼu foʼi lo ʼae ʼe mole malolohi,Kae ʼe natou teuteuʼi tanatou meʼa kai ʼi te temi mafana,+
26 Te ʼu tamani*+ ʼae ʼe mole malolohi,Kae ʼe natou fai ʼonatou nofoʼaga ʼi te ʼu fuʼu maka,+
27 Te ʼu heʼe+ ʼae ʼe mole honatou hau,Kae ʼe natou fakatuʼutuʼu lelei ʼo haʼele fakakutuga,+
28 Te moko+ ʼae ʼe pipiki maʼu kia meʼa fuli ʼuhi ko ʼona vaʼe,Pea ʼe ulu ki te fale hau.
29 Ko meʼa maʼuli ʼe tolu ʼe fakaofoofo tanatou haʼele,ʼEi, ko meʼa ʼe fa ʼe makehe tanatou feoloʼaki:
30 Te laione ʼae ʼe malohi ʼaupito ʼi te ʼu manu,ʼE mole mataku ia ʼi he tahi,+
31 Te kuli ʼae ʼe lele vave, te tao tagata,Pea mo he hau mo tana kautau.
32 Kapau neʼe ke vale ʼo vikiʼi koe,+Pe neʼe ke fakatuʼutuʼu ke ke fai,Taʼofi ʼau palalau.+
33 Ko te fakaʼaʼasili ʼo te ita ʼe hoko ai ni kē,Ohage pe ko te gaueʼi ʼo te huʼa pipi ke maʼu ai he potilo,Mo te laʼusi ʼo te ihu ke hahali te toto.+
Nota
^ ʼI te Fakahepeleo, ʼe fakaʼuhiga te kupu ʼaia ki te haka ʼo te ukamea ke toʼo ai te ʼu ʼotaʼota.
^ Vakaʼi Te ʼu Kupu.
