Teuteuʼi lelei pea ke ke faikole kia Sehova. Faikole kia Sehova ke tokoni atu ke ʼaua tau tokaga fau kia koe, kae ke ke tokaga ki te faʼahi ʼae ʼe ke fakaha. ʼE tonu ke ke mahino lelei ki te ʼu puani tafito ʼae ka ke palalau anai ki ai. Fakaha te ʼu manatu ʼaki ʼau palalau ʼa koe totonu. Kae ʼe mole ke lau pe anai te ʼu kupu ʼae ʼe tuʼu ʼi he tohi.

Fai he ʼu palalau ʼe haʼu mai tou loto. Fakakaukauʼi te ʼu tupuʼaga ʼae ke iloʼi ai e te hahaʼi te logo lelei. Manatuʼi ia natou. Pea ʼe feala anai ke ha ʼi tau faʼahiga tuʼu, mo tau fakaʼaogaʼi ʼou nima, mo te agaaga ʼo tou fofoga ia tau fakamalotoloto pea mo tau agalelei.

Sioʼi te nofoʼaki peʼe ko he tahi ʼe fagono atu. Ke ke sioʼi te nofoʼaki peʼe ko he tahi mo kapau ʼe mole ko he aga ʼe heʼe fakaʼapaʼapa. Moka ke fai hau akonaki, sioʼi he tahi ʼi te nofoʼaki pea ke hiki atu ki he tahi, kae ʼaua tau sioʼi te nofoʼaki katoa peʼe vave fau tau sioʼi natou.