ʼI tana ʼi te kele, neʼe fakaha e Sesu he ʼofa lahi ki te hahaʼi, ʼo aʼu ki te sakilifisioʼi ʼo tona maʼuli maʼa natou. (Mateo 20:28; Soane 15:13) Ka hani toe fakaha e ia tona ʼofa ki te hahaʼi ʼaki tana fakaʼaogaʼi tona ʼuhiga Hau ʼo te Puleʼaga ʼo te ʼAtua moʼo “fakagata te ʼu tau ʼi te kele katoa.”—Pesalemo 46:9.

 Kotou tokagaʼi te meʼa ʼae ʼe tui ʼi te Tohi-Tapu ʼo ʼuhiga mo te meʼa ka fai anai e Sesu:

•   “ʼE ina haofaki anai te tagata masiva ʼae ʼe kole tokoni age, ʼo toe feia mo ia ʼae ʼe mole maʼuhiga pea mo ia ʼae ʼe hala tokoni. ʼE ʼofa anai kia ia ʼae ʼe mole maʼuhiga pea mo ia ʼae ʼe masiva, pea ʼe ina haofaki anai te maʼuli ʼo te kau masisiva. ʼE ina haofaki anai natou mai te taʼomia mo te agamalohi.”—Pesalemo 72:12-14.

 ʼE tou fakaha feafeaʼi totatou fakafetaʼi ki te ʼu meʼa fuli neʼe fai pea mo ʼae ka fai anai e Sesu maʼa tatou? ʼE ui e Sesu ki ʼana tisipulo ia Luka 22:19 ke natou fakamanatu tona mate. Koia ʼae ʼi te taʼu fuli, ʼi te ʼaho ʼo tona mate, ʼe fakatuʼutuʼu ai e te kau fakamoʼoni ʼa Sehova he fono makehe. ʼE matou fakaafe koutou ki te Fakamanatu ʼo te Mate ʼo Sesu ʼi te ʼAhotapu ʼaho 24 ʼo Malesio 2024.

Kumi He Faiʼaga ʼo Te Fakamanatu