TE TULE LE’O (NUSIPEPA AKO) Sepetepeli 2014
ʼE maʼu ʼi te nusipepa ʼaeni te ʼu alatike ako ki te ʼaho 27 ʼo Oketopeli ʼo kaku ki te ʼaho 30 ʼo Novepeli 2014.
He Ko ʼe ʼe Ke Tui Papau ʼe Ke Maʼu Ia Te Moʼoni?
ʼE talanoa anai te alatike ʼaeni ki te ʼu tupuʼaga ʼe fakamoʼoni ki ai te hahaʼi ko te kau Fakamoʼoni ʼa Sehova ʼe natou maʼu ia te moʼoni. ʼE tou toe vakaʼi anai foki te ʼu tupuʼaga ʼae ʼe tui papau ai ia te kau Fakamoʼoni ʼa Sehova ʼe natou maʼu ia te moʼoni.
Tou Tauhi Agatonu Ki Te ʼAtua Logo La Te Lahi ʼo Te ʼu Mamahi
ʼE felaveʼi ia te tagata fuape mo he ʼu mamahi koteʼuhi ʼe natou maʼuʼuli ʼi te malama ʼa Satana. Kotea ʼihi faʼahiga puleʼaki kakā ʼa Satana? ʼE feafeaʼi hatatou teuteu moʼo tauʼi ia te ʼu kakā ʼaia?
ʼU Matuʼā, Kotou Liliu Ko He ʼu Tauhi Ovi Ki ʼAkotou Fanau
ʼE maʼua ki te ʼu matuʼā ke natou akoʼi ki ʼanatou fanau ia te ʼu lekula pea mo te ʼu fakatotonu ʼa Sehova. (Efeso 6:4) ʼE talanoa ia te alatike ʼaeni kia faʼahi ʼe tolu ʼe feala ai ki te ʼu matuʼā ke natou liliu ko he ʼu tauhi ovi ki ʼanatou fanau pea ke natou tokoni kia natou ke natou ʼoʼofa kia Sehova.
ʼE Pulihi Anai Ia Te Fili Fakamuli, Te Mate
ʼE fakatupu mamahi ʼaupito ia te mate pea mo meʼa fuli ʼae ʼe ina taki tatou ki te mate. He ko ʼe ʼe mamate ia te hahaʼi? ʼE pulihi feafeaʼi anai ia ‘te fili fakamuli, te mate’? (1 Kolinito 15:26) Kotou vakaʼi ʼona tali he ʼe fakamaʼuhigaʼi ai ia te faitotonu ʼa Sehova, mo tona poto kaʼe tafitō ia tona ʼofa.
Kotou Manatuʼi Ia Natou ʼAe ʼe Gaue ʼi Te Selevisi Temi Katoa
Tokolahi te ʼu kaugana ʼa Sehova ʼe gaue kinakina ʼi te selevisi temi katoa. ʼE tou lava manatuʼi feafeaʼi ia tanatou “gaue agatonu” pea mo tanatou “gaue i te ofa”?—1 Tesalonika 1:3.
