ʼE tou kakusia fuli anai ki te mate. Kae kotea ʼae ʼe hoko moka tou mamate? ʼE ʼi ai koa he ʼamanaki kia natou ʼae kua mamate?

ʼE MOLE MATE HE TAHI ʼO TALU AI

ʼE hu mai anai ki tuʼa “ia natou fuli ʼi te ʼu fale maka fakamanatu.”—Soane 5:28, 29.

ʼE mole galoʼi e te ʼAtua ia natou ʼae kua mamate. ʼE ina fakatuʼuake anai ia natou.

ʼE TOE FAKATUʼUAKE ANAI ʼIHI ʼI TE KELE

“ ʼE ʼi ai anai he fakatuʼuake ʼo te kau faitotonu pea mo te kau heʼe faitotonu.”—Gaue 24:15.

ʼE fakatuʼuake anai te toko lauʼi miliale hahaʼi pea ʼe natou maʼuʼuli anai ʼo heʼe gata ʼi te tokalelei.

ʼE FEALA KE TOU TUI KI TE FAKATUʼUAKE

ʼE iloʼi e te ʼAtua “te lahi o te u fetuu, e ina foaki kia natou fuli ni higoa.”—Pesalemo 147:4.

Kapau ʼe maʼu loto e te ʼAtua ia te ʼu higoa ʼo te ʼu fetuʼu fuli pea ʼe ina iloʼi lelei pe ia natou ʼae ka ina toe fakamaʼuli ake.