6. Mal Yemyem Poro Baibel Yu Neori Kesim

“Got Gapman yu kawei neori kel mal yemyem poro punam.”—MATYU 24:14, NWT.

● Vaiatea olom kulu Tuamotu Pasipik ailan tuwalto meim, kulu e kolbar sem. Kulu Tuamotu ailan kere kere 80 pal seim ala 802,900 skwe kilomita kerma wei seim, ba alamb 16,000 mongse ailan ele meim. Johova Witnis ga Vaiatea alambem man bol monjip bar Baibel yu neori kele ngonjip. Nal erange embe enjip? Embe enjip nalerim Wtinis ga alamb—kulu nal kulu monjip Got Gapman yu kawei neori kele alamb poro ngonam kapinjip.

WAL NAWAL PENDE YIPE MINE WONOM? Got Gapman yu nesi mal yemyem poro pum. Kongar 2010 kunum Johova Wtinis ga anj dunglom 1.6 billien aua kele Baibel yu kawei neori kele kantri 236 pal punjip. Embe enjip e, Witnis ga ding dingne kunum dingne 30 mint kele Baibel yu neori kenjip. Kongar 10 poro wopunom Baibel buk na nius 20 billien pal ere omukro alamb ngonjip.

ALAMB PULI NAL BUNUMAN PAIM? Kongar tausen puli wopunom alamb Baibel yu neori kenjip.

NIM PISEN E KUN PAIM MO? Weieri ga puli Baibel yu neori kenjip. Ba ga pende kunum puli kele kongan e naenjip. Johova Witnis ga Baibel yu neori keram konganem wal erkun ere, alamb millien puli mal yemyem papum bar Baibel yu neori kesim. Embe esim bar, ya mala okanaiseisen dongal pende seim enjep bol opyem keswei esim. a (Mak 13:13) Ala Johova Witnis ga, Baibel yu neori kesim bar ku nasim ma. Enjep kunum kele buk na nius kongnem ere alamb ngom bar ku nasim eri. Alamb enjep kapile ku ngo kongan e pakerom.

NIM NALNE PISEN? Nim pisen Got “Gapman yu kawei” nesi mal yemyem poro pum mo? Baibel yu propet ne pakim weieri mine wonom e tandom, wal kawei ende bulto mine wonda mo?

[Footnote]

[Blurb]

“Kin kumbol wei ngo Got Gapman yu kawei neori kel alamb ngopupo Got olom pordom paninda kunum porninda.”—2010 YEARBOOK OF JEHOVAH’S WITNESSES.