Kenem buk na nius a piksa puli meim, pakero kelde wal kerma pende duwom esmen. Piksa meim konganem endel nim nalmal pakeronda?

• Piksa yero kane bulto atikel gerdel. Piksa meim kanjel erkelde, nal yu atikel a tuwal meim ger kanal ne ka pisel. Ende embe mal, nim mokun kawei ende gale plet a kel seim kanin kunum “nonal” ne ka pisen. Embe ding mal, nim piksa yero kanjel erkelde, atikel gerinal ne ka pisel. ‘Nal piksa pende meim kanal ne kapisen?’—Amo. 7:​7, 8.

• Ala nim atikel ende gerdel kunum, nalende piksa e si kenjip meim ne buro pisel eri. Embe pile, piksa meim bar yuwom boll moksam mane ger kanjel. Piksa meim na yu pengem nalmal yune woseding pumbol omukro kanjel, ala nem piksa nalmal konganem endel mal kanjel eri.

• Ger pronindel kunum, ala piksa meim kanjel pakero kere atikel yu kerma kanpol weirondol. Pi dungol kuplo piksa kanmal buro pile, ala nawal duwom enen mal pisel eri.

• Mekejin a piksa meim ala kane, duwom erin yu mem kerma pilmen moma buro pisel eri.