Ha Enero 27, 2023, damu nga tawo an maghihinumdom han International Holocaust Remembrance Day. An makangingirhat ngan makaharadlok gud nga mga panhitabo sobra 75 ka tuig na an naglabay bangin makapahunahuna ha imo kon kay ano nga gintugotan han Dios nga mahitabo an Holocaust.

•   Basi mahibaroan an ginsisiring han Biblia, basaha an artikulo nga “Bakit Nangyari ang Holocaust? Bakit Hindi Ito Pinigilan ng Diyos?”

 An mga Judio nag-antos gud sugad nga mga biktima han Holocaust. Minilyon an sunod-sunod nga ginpatay. An mga membro han iba nga mga grupo gintimaraot liwat ngan ginpamatay ha panahon han Holocaust. Kaapi ha ira an mga Saksi ni Jehova, nga gintimaraot tungod han ira gintotoohan nga basado ha Biblia.

•   Basi mahibaro hin dugang pa, basaha an artikulo nga “Ano ang Nangyari sa mga Saksi ni Jehova Noong Holocaust?”

 Damu an nahahadlok nga mahitabo utro an trahedya nga sugad han Holocaust. Makalilipay, an Biblia nagsasaad nga ha tiarabot an sugad nga mga trahedya diri na gud mahitatabo.

•   “‘Kay maaram gud ako han akon mga ginhuhunahuna para ha iyo,’ nasiring hi Jehova. ‘Karuyag ko magkaada kamo hin kamurayawan, diri hin kadaot. Karuyag ko kamo tagan hin kabubuwason ngan hin paglaom.’”—Jeremias 29:11. a

 Mahitatabo ini kon tapuson na ni Jehova nga Dios an karaotan ngan wad-on an ngatanan nga kadaot nga resulta hito. Diri na maiha:

•   Iya bubungkagon adton nagbubuhat hin maraot ha iba.—Proberbios 2:22.

•   Iya tatambalon an ngatanan nga nag-antos.—Pahayag 21:4.

•   Iya bubuhion utro an mga namatay dinhi ha tuna.—Juan 5:28, 29.

 Makakasarig ka han nakakaliaw nga paglaom nga iginhahatag han Biblia. Basi mahibaroan kon kay ano, gin-iimbitar ka namon nga testingan an amon libre nga programa han pag-aram ha Biblia.