An Biblia iginpariho han disipulo nga hi Santiago ha espiho nga nabulig ha aton nga makita an aton sulod nga pagkatawo. (San. 1:​22-25) Paonan-o naton magagamit hin tama an Biblia sugad nga espiho?

Basaha ito hin maopay. Kon aton kikitaon hin madaliay la an aton kalugaringon ha espiho, bangin diri naton makita nga may-ada hugaw ha aton nawong. Ha pariho nga paagi, kon dinalidali la an aton pagbasa han Biblia, diri naton makikita kon ano an bangin kinahanglan naton bag-uhon. Basi mabuhat ito kinahanglan basahon naton hin maopay an Biblia.

Mas magpokus ha imo kalugaringon kay ha iba. Kon nangingespiho kita bangin makita liwat naton an repleksyon han iba ngan bangin magpokus kita ha kon ano an diri maopay ha ira hitsura. Ha pariho nga paagi, puydi naton gamiton an Biblia basi makita an mga sayop han iba. Pero diri ito makakabulig ha aton nga matadong an aton kalugaringon.

Magin makatadunganon. Kon nakapokus la kita ha aton mga kaluyahan nga aton nakikita ha espiho, bangin kita manluya. Kinahanglan magin makatadunganon kita kon nagbabasa kita han Pulong han Dios pinaagi ha diri paglaom hin sobra ha aton kalugaringon kay han ginlalaoman ni Jehova ha aton.​—San. 3:17.