‘Salamat ha mga Saksi ni Jehova Tungod ha Kagawasan ha Relihiyon’

“ANTES niyo sadhan an purtahan ha usa nga Saksi ni Jehova,” siring han usa nga artikulo ha pahayagan nga USA Today, “hunahunaa anay an makaarawod nga pagtimaraot nga ira gin-antos ha diri pa la maiha nga naglabay, sugad man an daku nga ira naibulig ha Siyahan nga Pagbag-o ha mga kagawasan nga pinahihimulsan naton ngatanan.” Gintimaraot an mga Saksi ni Jehova ha Estados Unidos ha bug-os nga dekada han 1940, labaw han iba nga mga butang, tungod ha pagdumiri ha pagsaludo ha bandera.—Eksodo 20:4, 5.

Mga 30 nga kaso may kalabotan han mga Saksi ni Jehova an inabot ha Korte Suprema han E.U. ha peryodo han lima ka tuig butnga han 1938 ngan 1943. An artikulo nasiring: “Agsob gud nga an mga Saksi nagbangon han importante nga mga isyu han Siyahan nga Pagbag-o nga iginsurat han Hukom han Korte Suprema nga hi Harlan Fiske Stone, ‘Angay bayaran an mga Saksi ni Jehova tungod han ira bulig ha pagsulbad han legal nga mga problema han sibil nga mga kagawasan.’ ”

Salit, ha ikatarapos an artikulo nasiring: “An ngatanan nga mga relihiyon kinahanglan magpasalamat ha mga Saksi ni Jehova tungod ha pagpahaluag han kagawasan [ha relihiyon].”

[Ginkuhaan han mga Retrato ha pahina 32]

Luyo, tinukod: Ginretrato ni Josh Mathes, Collection of the Supreme Court of the United States; ubos nga wala, mga huwes: Collection of the Supreme Court of the United States