May-ada Pa ba Yana Respeto ha Pamilya?
KON KAY ANO NGA IMPORTANTE AN RESPETO HA PAMILYA
Nagkakaada kamurayawan an pamilya kon an mga membro hito nagpapakita hin respeto ha kada tagsa.
-
An libro nga The Seven Principles for Making Marriage Work nagsiring nga kon ginrirespeto han mag-asawa an usa kag usa, iginpapahayag nira an gugma ha kada tagsa “diri la ha dagku nga paagi kondi pati liwat ha gudti nga paagi kada adlaw.”
-
Iginpapakita han pag-research nga an kabataan nga nahibaro ha pagrespeto ha iba may mas daku nga kompyansa ha kalugaringon, may mas maopay nga relasyon ha ira mga kag-anak, ngan waray masyado problema ha emosyon ngan hunahuna.
AN PUYDI MO BUHATON
Paghimo hin plano, kaupod an imo pamilya. Siyahan, siguroha nga nasasabtan han ngatanan nga membro han pamilya kon ano an karuyag sidngon han pagpakita hin “respeto.” Ikaduha, ilista an karuyag mo buhaton han imo pamilya ngan kon ano an diri dapat nira buhaton. Ikatulo, hisguti an iyo plano sugad nga pamilya basi mahibaro an ngatanan kon paonan-o makakagpakita hin respeto.
Pagpakita hin ehemplo. Ginyayaknan mo ba hin maraot an mga membro han imo pamilya kon nakakasayop hira, gintatamay an ira mga opinyon, o ginbabalewaray o nasagbang pa ngani kon nakikiistorya hira ha imo?
Tip: Hunahunaa an respeto sugad nga utang nga kinahanglan mo ihatag ha imo padis ngan mga anak, diri sugad nga butang nga kinahanglan pa nira makuha.
Respetoha an usa bisan kon diri ka nauyon ha iya. Kon nagpapahayag ka han imo inaabat, likayi an mga pulong sugad han “pirme ka na la” o “diri ka gud.” An pagyakan hin sugad hito makakapasakit ngan makakapasina ha imo kapamilya ngan makakapagrabe han diri pagsinabtanay.
AN AMON GINBUBUHAT
Gindadasig han mga Saksi ni Jehova an mga membro han pamilya nga trataron an kada tagsa nga may respeto, ngan kasagaran nga ito an tema han mga artikulo, libro, brosyur, ngan video nga amon iginpupublikar nga waray bayad.
PARA HA MGA MAG-ASAWA: An serye han mga artikulo nga Bulig Para ha Pamilya makakabulig ha mga bana ngan mga asawa nga . . .
-
magin maopay nga parapamati
-
likyan an diri pagpansinay
-
maiundang an pakigdiskusyon
(I-search an “Bulig Para ha Pamilya” ha jw.org)
PARA HA MGA KAG-ANAK: An serye han mga artikulo nga Bulig Para ha Pamilya makakabulig ha mga kag-anak nga ma-train an ira mga anak nga . . .
-
magin masinugtanon
-
bumulig ha mga buruhaton ha balay
-
magyakan hin “alayon” ngan “salamat”
(I-search an “Pagpadaku hin mga Anak” ngan “Pagpadaku hin mga Tin-edyer” ha jw.org)
Kitaa liwat an apendise nga “Tanong ng mga Magulang,” ha libro nga Ang mga Tanong ng mga Kabataan—Mga Sagot na Lumulutas, Tomo 1. (I-search an “Tanong ng mga Magulang” ha jw.org)
PARA HA MGA BATAN-ON: An seksyon nga Mga Batan-on ha jw.org may-ada mga artikulo, video, ngan worksheet nga makakabulig ha mga batan-on nga . . .
-
magkaada maopay nga relasyon ha ira mga kag-anak ngan mga bugto
-
makig-istorya nga may respeto ha ira mga kag-anak parte ha mga patakaran
-
makuha an pagtapod han ira mga kag-anak
(I-search an “Mga Batan-on” ha jw.org)
Libre an paggamit han jw.org nga website. Diri kinahanglan magbayad, mag-subscribe, o magpamembro, ngan waray personal nga impormasyon nga aaroon.
