Usa nga mag-asawa nga nagbabasa hin usa nga istorya han kinabuhi kada aga an nagsiring: “Nalilipay ngan nadadasig gud kami hini nga mga istorya! Nagpapahinumdom ini ha amon nga kami liwat mahimo magin matinumanon ha ngatanan nga kahimtang.” Usa nga sister nga sugad liwat hito an inaabat an nagsurat: “Ini nga mga istorya han kinabuhi nakakaliaw, nakakabantad, ngan nakakapalipay. An kinabuhi han aton kabugtoan puno hin katuyoan ngan kapulsanan. An ira mga istorya nagpapagios ha akon nga magbuhat hin dugang pa ha ministeryo ngan nabulig ha akon nga dasigon an akon mga anak nga makigbahin ha bug-os-panahon nga pag-alagad kan Jehova.”

An mga istorya han kinabuhi makakapagios ha imo nga kab-uton an mapulsanon nga mga tumong, lamposan an mga kaluyahan, ngan ilubon an magkuri nga problema nga may kalipay ngan dignidad. Paonan-o mo mabibilngan ini nga mga istorya?

• Pamilnga an “istorya han kinabuhi” ha Watchtower ONLINE NGA LIBRARYA, ha Watchtower Library, o ha jw.org.