Ano an Ginsisiring han Biblia?
Nagkikinabuhi na ba kita ha “kataposan nga mga adlaw”?
Ano an imo baton?
Oo
Diri
Bangin
Kon ano an ginsisiring han Biblia
“Ha kataposan nga mga adlaw maabot an peligroso gud nga mga panahon nga makuri pakiangayan.” (2 Timoteo 3:1) An tagna ha Biblia, pati na an mga panhitabo yana, pangirilal-an nga nagkikinabuhi na kita ha “kataposan nga mga adlaw.”
Ano pa an aton mahibabaroan ha Biblia?
Durante han kataposan nga mga adlaw, magkakaada mga girra, gutom, linog, ngan epidemya han makamaratay nga mga sakit.—Mateo 24:3, 7; Lucas 21:11.
Durante han kataposan nga mga adlaw, madadaot gud an moralidad ngan espirituwalidad han mga tawo.—2 Timoteo 3:2-5.
Ano an magigin tidaraon han mga tawo?
An iba natoo . . . nga matatapos an kataposan nga mga adlaw pinaagi ha pagbungkag ha tuna ngan ha mga naukoy dida hito, samtang an iba naglalaom nga mag-oopay pa an mga kahimtang. Ano ha imo hunahuna?
Kon ano an ginsisiring han Biblia
“An mga magtadung makakapanonod han tuna, ngan maukoy hira dida hin waray katapusan.”—Salmos 37:29.
Ano pa an aton mahibabaroan ha Biblia?
Matatapos an kataposan nga mga adlaw pinaagi ha pagbungkag ha tanan nga karaotan.—1 Juan 2:17.
An tuna magigin paraiso.—Isaias 35:1, 6.
Bangin Maruyagan Mo Liwat
BATON HA MGA PAKIANA MAHITUNGOD HA BIBLIA
Ano an Tigaman han “Kataposan nga mga Adlaw,” o “Panahon han Katapusan”?
Iginsusumat han Biblia an mga panhitabo o kahimtang antes an kataposan hini nga kalibotan.
ESSENTIAL BIBLE TEACHINGS
Kay Ano nga Ginlarang han Dios an Tuna?
Makaruruyag hinduro an aton planeta. Ginhimo niya ito nga may husto nga distansya tikang ha adlaw, husto nga anggulo han pagkiling, ngan nalibot ha husto nga kalaksihon. Kay ano nga nangalimbasog an Dios ha paghimo han tuna?
