Kon mayada ka sangkay nga gindadayaw ngan gintatahod mo, nangangalimbasog ka nga magin pariho ha iya. “Maopay ngan matadong hi Jehova,” siring han Biblia. (Salmo 25:8) Basi magin sangkay han Dios, kinahanglan magin maopay ngan matadong kita. An Biblia nasiring: “Magsubad kamo ha Dios, sugad ha mga hinigugma nga anak; Ngan manggawi kamo ha gugma.” (Efeso 5:1, 2) Iini an pipira nga mga paagi han pagbuhat hito:

Magin mabinuligon ha iba. “Magbuhat kita han maopay ha ngatanan nga mga tawo.”​—Galasia 6:10.

Magbuhat hin maduruto. “An kawatan diri na mangawat, kondi lugod magbuhat, magbuhat ha iya mga kamot ha maopay nga bagay.”​—Efeso 4:28.

Magpabilin nga limpyo ha pisikal ngan ha moral. “Maglinis kita tikang ha ngatanan nga mga hugaw han unod ngan han espiritu, ngan paghingpiton ta an pagkaputli ha kahadlok ha Dios.”​—2 Korinto 7:1.

 Mahigugmaon ngan matinalahuron nga tratoha an mga membro han imo pamilya. “An tagsatagsa ha iyo maghigugma ha iya . . . asawa sugad ha iya ngahaw; ngan an asawa nga babaye magtahod ha iya asawa nga lalaki. Mga anak, magtuman kamo ha iyo mga kag-anak.”​—Efeso 5:33–6:1.

Ipakita an gugma ha iba. “Maghigugmaay kita an usa kag usa, kay an gugma tikang ha Dios.”​—1 Juan 4:7.

Sunda an mga balaud han nasud. “An ngatanan nga mga kalag magpasakop ha [gobyerno] . . . Ihatag niyo ha ngatanan an igo; an ha buhis, buhis.”​—Roma 13:1, 7.