Hunahunaa an imo mamarati. Pamalandonga kon kay ano nga kinahanglan hibatian an impormasyon nga imo iginpipresentar, ngan hunahunaa kon ano nga bahin hini an espisipiko nga makakabulig ha ira.

Durante han imo bug-os nga presentasyon, ipakita ha imo mamarati an ira sadang buhaton. Ha pagtikang pa la, sadang masantop han tagsa nga mamarati, ‘Para ini ha akon.’ Samtang iginsasaysay mo an tagsa han nangunguna nga mga punto, ipakita kon paonan-o ito mapapahimulosan. Magin espisipiko.