An mga tawo ha bug-os nga kalibotan naatubang hin mga problema nga nagriresulta hin kasubo, kabaraka, ngan kasakit pa ngani. Inatubang ka na ba hin sitwasyon diin inabat ka hin sugad hito? Bangin nag-aantos ka tungod hin sakit o kamatyi hin hinigugma. Bangin magpakiana ka ha imo kalugaringon, ‘Magkakaada pa ba ako mas maopay nga kinabuhi?’ An Biblia may makalilipay nga baton hito nga pakiana.

1. Paonan-o an Biblia naghahatag hin paglaom?

Iginsasaysay han Biblia kon kay ano nga ini nga kalibotan puno hin mga problema ngan may-ada liwat ito maopay nga sumat nga ini nga mga problema temporaryo la ngan hirani na matapos. An mga saad ha Biblia ‘nakakahatag ha imo hin [maopay nga] kabubuwason ngan hin paglaom.’ (Basaha an Jeremias 29:11, 12.) Ini nga mga saad nabulig ha aton nga maatubang an aton mga problema yana, magkaada positibo nga disposisyon, ngan umabat hin nagpapadayon nga kalipay.

2. Ano nga klase hin kabubuwason an iginsusumat han Biblia?

Iginsusumat han Biblia nga maabot an panahon nga “mawawara na an kamatayon, pati an kabidoan, pagtangis, ngan kasakit.” (Basaha an Pahayag 21:4.) An mga problema nga nagpapakuri ha kinabuhi yana​—sugad han kapobrehan, kawaray-hustisya, sakit, ngan kamatayon​—mawawara na. Nagsasaad an Biblia nga an mga tawo magkakaada hin malipayon nga kinabuhi nga waray kataposan ha Paraiso dinhi ha tuna.

3. Paonan-o mo masisiguro nga matutuman an mga saad ha Biblia?

Damu nga tawo an naglalaom nga mahitabo an mag-opay nga mga butang, pero diri hira nakakasiguro kon matutuman ba an ira ginlalaoman. Kondi iba gud an mga saad ha Biblia. Makakasiguro kita nga matutuman an ginsisiring hito pinaagi ha ‘pag-usisa hin maopay ha Kasuratan.’ (Buhat 17:11) Kon pag-aadman mo an Biblia, ikaw mismo an makakagdesisyon kon matoo ka ha ginsisiring hito mahitungod ha tiarabot.

 DUGANG NGA USISAHA

4. An Biblia nagsasaad nga may paglaom kita nga mabuhi ha waray kataposan nga waray na mga problema

Kitaa an masunod nga mga saad ha Biblia. Hain hini an karuyag mo gud? Kay ano?

Basaha an mga teksto nga gin-unabi katapos han mga saad, ngan hisguti niyo ini nga mga pakiana:

• Para ha imo, ito ba nga mga teksto naghahatag hin paglaom? Makakahatag ba ito hin paglaom ha imo pamilya ngan kasangkayan?

Imadyina nga naukoy ka ha kalibotan nga

 5. An paglaom nga aada ha Biblia makakabulig nga magin mas maopay an kinabuhi

Damu an nahuhulop o nasisina pa ngani tungod han mga problema nga ira nakikita ha ira palibot. An iba nagpuprotesta ha ira pangalimbasog nga magkaada mga pagbag-o. Kitaa kon paonan-o nakakabulig ha mga tawo yana an saad ha Biblia nga magtitikaopay an kahimtang. I-play an VIDEO, katapos, hisguti niyo an masunod nga mga pakiana.

 SUMARYO

An Biblia naghahatag ha aton hin paglaom ngan nabulig ha aton nga makaya an mga problema pinaagi ha pagsaad hin makalilipay nga kabubuwason.

Repaso

• Kay ano nga kinahanglan han mga tawo an paglaom?

• Ano an ginsisiring han Biblia mahitungod ha tiarabot?

• Paonan-o makakabulig ha imo yana an pagkaada paglaom ha tiarabot?