Ha iba nga mga kultura, natoo hira nga an usa nga tawo diri magigin malipayon kon diri hiya mag-aasawa. Pero diri ngatanan nga may asawa malipayon ngan diri ngatanan nga solo diri malipayon. Ha pagkamatuod, an Biblia nasiring nga an pagin solo ngan pag-asawa pariho regalo.

1. Ano an pipira nga kapulsanan han pagin solo?

An Biblia nasiring: “An bisan hin-o nga nag-aasawa nagbubuhat hin maopay, pero an bisan hin-o nga diri nag-aasawa nagbubuhat hin mas maopay.” (Basaha an 1 Corinto 7:​32, 33, 38.) Ha ano nga mga paagi an usa nga solo “nagbubuhat hin mas maopay”? An solo nga mga Kristiano waray gin-aasikaso nga mga panginahanglan han padis. Salit mas daku an ira kagawasan. Pananglitan, an iba nagpapauswag han ira ministeryo ha makalilipay nga mga paagi, sugad han pagbalhin ha iba nga nasud basi magsangyaw han maopay nga sumat. Labaw ha ngatanan, mas daku nga panahon an ira nagagamit basi magin duok kan Jehova.

2. Ano an pipira nga kapulsanan han legal nga pag-asawa?

Pariho han pagin solo, an pag-asawa may-ada liwat mga kapulsanan. An Biblia nasiring nga “an duha mas maopay kay ha usa.” (Eclesiastes 4:9) Tinuod ini labi na ha mga Kristiano nga nag-aaplikar han mga prinsipyo han Biblia ha ira pag-asawa. An mga mag-asawa nga legal nga nagpakasal nagsasaad nga pirme nira hihigugmaon, irirespeto, ngan papalanggaon an usa kag usa. Sugad nga resulta, kasagaran na nga mas naabat hira hin kasigurohan kay han mga nagtatampo nga diri kasal. Ngan an ira mga anak mas maabat liwat hin kasigurohan.

3. Ano an panhunahuna ni Jehova ha pag-asawa?

Han ginkasal ni Jehova an siyahan nga mag-asawa, hiya nagsiring: “An lalaki mabaya ha iya tatay ngan ha iya nanay ngan hiya matampo ha iya asawa.” (Genesis 2:24) Karuyag ni Jehova nga an mag-asawa maghigugmaay ngan magtampo samtang buhi hira. Gintutugotan la niya an pagdiborsyo kon an usa ha ira nag-adulteryo. Ha sugad nga kahimtang, an inosente nga padis gintatagan ni Jehova hin katungod nga magdesisyon kon makikigdiborsyo hiya o diri. a (Mateo 19:9) Diri gin-uuyonan ni Jehova an poligamiya ha mga Kristiano.​—1 Timoteo 3:2.

 DUGANG NGA USISAHA

5. Pilia hin maopay an imo maarasawa

An pagpili hin imo maarasawa usa han pinakaimportante nga desisyon nga imo hihimoon. Basaha an Mateo 19:​4-6, 9, katapos, hisguti niyo ini nga pakiana:

• Kay ano nga an usa nga Kristiano diri angay mag-apura ha pag-asawa?

An Biblia makakabulig ha imo nga hibaroan an mga kalidad han maopay nga maarasawa. Labaw ha ngatanan, pamiling hin maarasawa nga nahigugma kan Jehova. b Basaha an 1 Corinto 7:39 ngan 2 Corinto 6:14. Katapos, hisguti niyo ini nga mga pakiana:

• Kay ano nga kinahanglan mag-asawa ha igkasi-Kristiano la?

• Ha imo hunahuna, ano an aabaton ni Jehova kon mag-aasawa kita hin diri nahigugma ha Iya?

 6. Subara an panhunahuna ni Jehova ha pag-asawa

Ha kadaan nga Israel, gindiborsyo han pipira nga lalaki an ira asawa tungod han makikalugaringon nga mga hinungdan. Basaha an Malakias 2:​13, 14, 16, katapos, hisguti niyo ini nga pakiana:

• Kay ano nga nangangalas hi Jehova ha pagdiborsyo nga diri uyon ha Kasuratan?

I-play an VIDEO, katapos, hisguti niyo an masunod nga pakiana.

• Kon an imo asawa diri nag-aalagad kan Jehova, ano an puydi mo himoon para magin malipayon an iyo pag-asawa?

7. Sunda an mga suruklan ni Jehova ha pag-asawa

 SUMARYO

An pagin solo ngan pag-asawa mga regalo tikang kan Jehova. An mga solo ngan inasaw-an pariho magigin malipayon ngan kontento kon magkikinabuhi hira uyon ha kaburut-on ni Jehova.

Repaso

• Paonan-o magagamit ha maopay nga paagi han usa nga tawo an iya pagin solo?

• Kay ano nga an Biblia nasiring nga mag-asawa ha igkasi-Kristiano la?

• Ano la an Kasuratanhon nga hinungdan han pagdiborsyo?