LEKSYON 04
Hin-o an Dios?
Temprano pa ha kasaysayan, an mga tawo nagsisingba na hin damu nga dios ngan diosa. Pero, an Biblia nag-uunabi hin Dios nga “mas harangdon kay han ngatanan nga iba pa nga dios.” (2 Cronicas 2:5) Hin-o hiya? Ngan kay ano nga mas harangdon hiya kay ha ngatanan nga iba pa nga dios nga ginsisingba han mga tawo? Hini nga leksyon, hibaroi kon paonan-o nagpapakilala ha imo ini nga Dios.
1. Ano an ngaran han Dios, ngan paonan-o kita makakasiguro nga karuyag niya nga hibaroan naton ito?
Ha Biblia, iginpapakilala han Dios an iya kalugaringon ha aton. Hiya nasiring: “Ako hi Jehova. Ito an akon ngaran.” (Basaha an Isaias 42:5, 8.) An “Jehova” amo an pagkahubad han Hebreo nga ngaran nga posible nangangahulogan nga “Hiya Nagpapahinabo nga Magin.” Karuyag ni Jehova nga hibaroan naton an iya ngaran. (Exodo 3:15) Paonan-o kita makakasiguro hito? Ha Biblia mababasa naton an iya ngaran hin sobra 7,000 ka beses! a An ngaran nga Jehova para gud la ha “tinuod nga Dios ha langit ha igbaw ngan ha tuna ha ubos.”—Deuteronomio 4:39.
2. Ano an iginsusumat han Biblia mahitungod kan Jehova?
An Biblia nasiring nga ha ngatanan nga dios nga ginsisingba han mga tawo, hi Jehova gud la an tinuod nga Dios. Kay ano? May-ada damu nga rason. Hi Jehova an may gilalabawi nga awtoridad, ngan hiya gud la “an Gihitaasi ha bug-os nga tuna.” (Basaha an Salmo 83:18.) Gintatawag hiya han Biblia nga “Makagarahum-ha-ngatanan,” kay may gahum hiya nga buhaton an bisan ano nga iya karuyag. Hiya an “naglarang han ngatanan nga butang”—an uniberso ngan an ngatanan nga may kinabuhi ha tuna. (Pahayag 4:8, 11) Hi Jehova gud la an pirme buhi, ngan magpapadayon hiya nga buhi ha waray kataposan.—Salmo 90:2.
DUGANG NGA USISAHA
Usisaha an kaibahan han mga titulo han Dios ngan han iya naiiba nga ngaran. Katapos, hibaroi kon paonan-o ngan kon kay ano nga iginsumat niya ha imo an iya ngaran.
3. Damu an titulo han Dios, pero usa la an iya ngaran
Basi makita an kaibahan han titulo han usa nga tawo ngan han iya ngaran, i-play an VIDEO, katapos, hisguti niyo an masunod nga pakiana.
-
Ano an kaibahan han titulo, sugad han “Ginoo,” ngan han ngaran?
An Biblia nasiring nga an mga tawo nagsisingba ha damu nga dios ngan ginoo. Basaha an Salmo 136:1-3, katapos, hisguti niyo ini nga pakiana:
-
Hin-o an “Dios han mga dios” ngan “Ginoo han mga ginoo”?
4. Karuyag ni Jehova nga hibaroan mo an iya ngaran ngan gamiton ito
Ano an nagpapamatuod nga karuyag ni Jehova nga hibaroan mo an iya ngaran? I-play an VIDEO, katapos, hisguti niyo an masunod nga mga pakiana.
-
Para ha imo, karuyag ba ni Jehova ipakilala an iya ngaran? Kay ano?
Karuyag ni Jehova nga gamiton han mga tawo an iya ngaran. Basaha an Roma 10:13, katapos, hisguti niyo ini nga mga pakiana:
-
Kay ano nga importante nga gamiton an ngaran han Dios, nga Jehova?
-
Ano an imo inaabat kon nahinunumdoman han usa nga tawo an imo ngaran ngan ginagamit niya ito pagtawag ha imo?
-
Ha imo hunahuna, ano an inaabat ni Jehova kon ginagamit mo an iya ngaran?
5. Karuyag ni Jehova nga magin duok ka ha iya
Usa nga babaye nga taga-Cambodia nga an ngaran hi Soten nagsiring nga an paghibaro han ngaran han Dios “makalilipay gud hinduro.” I-play an VIDEO, katapos, hisguti niyo an masunod nga pakiana.
-
Ha video, ano an epekto kan Soten ha paghibaro han ngaran han Dios?
Antes mo magin sangkay an usa nga tawo, kasagaran na nga an iya ngaran an siyahan mo nga nahibabaroan. Basaha an Santiago 4:8a, katapos, hisguti niyo ini nga mga pakiana:
-
Ano an igin-aaghat ni Jehova nga buhaton mo?
-
Paonan-o an paghibaro ngan paggamit han ngaran han Dios mabulig ha imo nga umabat nga mas duok ka ha iya?
AN IBA NASIRING: “Usa la an Dios, salit diri importante kon ano an imo itatawag ha iya.”
-
Natoo ka ba nga Jehova an ngaran han Dios?
-
Paonan-o mo isasaysay nga karuyag han Dios nga gamiton naton an iya ngaran?
SUMARYO
Jehova an ngaran han amo la nga tinuod nga Dios. Karuyag niya nga hibaroan ngan gamiton naton ito nga ngaran basi magin duok kita ha iya.
Repaso
-
Ano an kaibahan ni Jehova ha ngatanan nga iba pa nga dios nga ginsisingba han mga tawo?
-
Kay ano nga angay naton gamiton an ngaran han Dios?
-
Ano an nagpapakita nga karuyag ni Jehova nga magin duok ka ha iya?
DUGANG NGA IMPORMASYON
Usisaha an lima nga hinungdan nga makakasiguro kita nga may-ada Dios.
Hibaroi kon kay ano nga angayan la nga tumoo kita nga an Dios pirme naeksister.
“Hin-o an Naghimo han Dios?” (An Barantayan, Oktubre 1, 2014)
Hibaroi kon kay ano nga angay gamiton an ngaran han Dios, bisan kon diri kita maaram han orihinal nga kaluwas hito.
Importante ba kon ano an itatawag ha Dios? Kitaa kon kay ano nga masisiring nga usa la an iya personal nga ngaran.
a Para han dugang nga impormasyon mahitungod ha kahulogan han ngaran han Dios ngan kon kay ano nga gintanggal ito ha iba nga mga hubad han Biblia, kitaa an Apendise A4 ha Bag-o nga Kalibotan nga Hubad han Baraan nga Kasuratan.
Bangin Maruyagan Mo Liwat
KOMON NGA MGA PAKIANA
Ano an Pag-aram ha Biblia nga Igintatanyag han mga Saksi ni Jehova?
Ha libre nga interactive nga programa nga igintatanyag han mga Saksi ni Jehova, puydi mo gamiton an bisan ano nga bersyon han Biblia. Ayaw pag-alang nga paupdon an imo bug-os nga pamilya o an imo kasangkayan.
