AN PAMILYA amo an gidadaani bantog nga institusyon han tawo, kondi namimeligro ito yana nga adlaw. An makaharadlok nga pagsarang han pag-abuso ha droga ngan imoralidad ha mga tinedyer, an moderno nga peste han diborsiyo ngan kamadarahog ha pamilya, an madagmit nga pagtubo ha kadamu han solo-an-ginikanan nga mga pamilya, ngan iba pa seryoso nga mga problema nakakapahunahuna ha pipira kon makakatalwas ba an kinabuhi han pamilya.

Posible pa ba para ha usa ka pamilya nga magin marig-on, nag-aataman ha mga membro hito? Oo, kon an mga membro han pamilya maaram han totoo nga sekreto han kalipayan ha pamilya. Ini nga sekreto diri nakatago. Nasarihan ngan napamatud-an ito nga malampuson ha damu, damu ka mga siglo. Ano ito? Ini nga libro, An Sekreto han Kalipayan ha Pamilya, naghahatag han baton. Naghahatag liwat ito hin praktikal nga mga ehemplo kon paonan-o ini nga “sekreto” makakabulig ha pagsulbad han damu makuri masulbad nga mga kahimtang ha pamilya. Mayada ba usa yana nga adlaw nga diri nagkikinahanglan han sugad nga impormasyon?