Hira Abraham ngan Sarah susbaranan nga mag-asawa; naghihigugmaay hira ngan narespeto ha usa kag usa. (Ge 12:11-13; 1Pe 3:6) Pero diri perpekto an ira pag-asawa, may mga problema hira nga kinahanglan atubangon. Ano an mahibabaroan han mga mag-asawa ha pagkonsiderar han ehemplo nira Abraham ngan Sarah?

Magkaada maopay nga komunikasyon. Ayaw pag-isog kon an imo padis nakakayakan hin diri maopay tungod ha iya kasina o kaaringit. (Ge 16:5, 6) Paggahin hin panahon nga kamo la an magkaupod. Ha pulong ngan buhat, pasariga an imo padis nga hinigugma mo hiya. Labaw ha ngatanan, pirme iupod hi Jehova ha iyo pag-asawa pinaagi ha pag-aram, pag-ampo, ngan pagsingba nga magkaupod. (Ec 4:12) An marig-on nga pag-asawa nagpapasidungog kan Jehova, an nagpatikang hinin sagrado nga kahikayan.

KITAA AN VIDEO NGA KON PAONAN-O PARIRIG-UNON AN PAG-ASAWA, NGAN BATONA AN MASUNOD:

• Ha video, ano an pipira nga tigaman nga hira Shaan ngan Kiara nagtitikahirayo na ha usa kag usa?

• Kay ano nga an tangkod nga komunikasyon importante ha pag-asawa?

• Paonan-o nakabulig kanda Shaan ngan Kiara an ehemplo nira Abraham ngan Sarah?

• Ano an ginhimo nira Shaan ngan Kiara basi maparig-on an ira pag-asawa?

• Kay ano nga an mag-asawa diri angay maglaom nga magigin perpekto an ira pag-asawa?