Karuyag ni Jehova nga mag-alagad kita ha iya tungod han gugma. (Mat 22:37, 38) Gugma ha Dios an maghahatag hin kusog ha mga estudyante ha Biblia basi maghimo han ginkikinahanglan nga mga pagbag-o ngan magin marig-on kon naatubang hin pagsari. (1Ju 5:3) An ira gugma ha Dios an magpapagios ha ira nga magpabawtismo.

Buligi an imo mga estudyante nga makita an gugma han Dios ha ira. Pakianhi hira hin sugad hini: “Ano an igintututdo hini ha imo mahitungod kan Jehova?” o “Paonan-o iginpapakita hini an gugma han Dios ha imo?” Buligi hira nga masabtan kon paonan-o hira ginbubuligan ni Jehova. (2Cr 16:9) Pagsumat hin mga ehemplo kon paonan-o ginbaton ni Jehova an imo espisipiko nga mga pag-ampo, ngan dasiga hira nga kitaon kon paonan-o ginbabaton ni Jehova an ira mga pag-ampo. Magigin malipayon ka gud kon nakikita mo nga an mga estudyante ha Biblia nabalos ha gugma ni Jehova ngan nagpapakita nga karuyag gud nira nga magin sangkay niya.

KITAA AN VIDEO NGA BULIGI AN IMO MGA ESTUDYANTE HA BIBLIA NGA MAGKAADA PERSONAL NGA RELASYON KAN JEHOVA, NGAN BATONA AN MASUNOD:

• Ano nga ulang an gin-atubang ni Jade?

• Paonan-o ginbuligan ni Neeta hi Jade?

• Paonan-o nalamposan ni Jade an ulang?