Antes maghimo hin daku o gutiay nga desisyon, ginpapakianhan ba naton an aton kalugaringon, ‘Ano daw la an panhunahuna ni Jehova?’ Bisan kon diri gud naton mahibabaroan an tanan nga aada ha hunahuna ni Jehova, naghahatag hiya hin igo nga impormasyon may kalabotan ha iya panhunahuna pinaagi han iya Pulong basi magin andam kita ha “tagsa nga maopay nga buhat.” (2Ti 3:16, 17; Ro 11:33, 34) Nasabtan gud ni Jesus an kaburut-on ni Jehova ngan ito an iya ginprayoridad. (Ju 4:34) Ha pagsubad kan Jesus, hinaot buhaton naton an pinakamaopay basi makahimo hin mga desisyon nga makakapalipay kan Jehova.​—Ju 8:28, 29; Efe 5:15-17.

KITAA AN VIDEO NGA PADAYON NGA SABOTA AN KABURUT-ON NI JEHOVA (LE 19:18), NGAN BATONA AN MASUNOD:

• Kay ano nga kinahanglan naton ig-aplikar an mga prinsipyo ha Biblia?

• Ano nga mga prinsipyo ha Biblia an sadang makaapekto ha aton ginpipili nga musika?

• Ano nga mga prinsipyo ha Biblia an sadang makaapekto ha aton pamado ngan pag-ayos?

• Ha ano nga iba pa nga bahin han kinabuhi angay naton ig-aplikar an mga prinsipyo ha Biblia?

• Paonan-o naton mapapauswag an aton abilidad ha pagsabot han kaburut-on ni Jehova?