MGA BAHANDI TIKANG HA PULONG HAN DIOS | EXODO 10-11
Hira Moises Ngan Aaron Nagpakita hin Daku nga Kaisog
Hira Moises ngan Aaron nagpakita hin daku nga kaisog han nakiistorya hira ha Paraon, an pinakagamhanan nga tawo ha kalibotan hito nga panahon. Paonan-o nira ito nahimo? May kalabotan kan Moises, an Biblia nasiring: “Pinaagi han pagtoo, binaya hiya ha Ehipto pero waray mahadlok ha kasina han hadi, kay padayon hiya nga nagin marig-on nga sugad hin nakikita an Dios nga diri nakikita.” (Heb 11:27) Hira Moises ngan Aaron may marig-on nga pagtoo kan Jehova ngan sinarig hira ha iya.
Ha ano nga mga kahimtang ginkikinahanglan an kaisog basi maipakita mo ha mga may awtoridad an imo pagtoo?
