Karuyag naton mapalipay hi Jehova ha ngatanan naton nga ginbubuhat. (Pr 27:11) Basi mabuhat ito, kinahanglan maghimo kita hin mga desisyon nga nagpapakita han iya panhunahuna bisan kon waray espisipiko nga balaud o sugo nga naggigiya ha aton. Ano an mabulig ha aton ha pagbuhat hito?

Tipigi an regular nga rutina han pag-aram ha Biblia. Ha kada panahon nga ginbabasa naton an Biblia, sugad hin naggagahin kita hin panahon kaupod hi Jehova. Mahibabaro kita mahitungod han paagi han panhunahuna ni Jehova pinaagi ha pag-obserbar kon paonan-o niya gintratar an iya katawohan ngan pinaagi ha pag-usisa ha mga ehemplo hadton nagbuhat hin maopay o maraot ha iya paniplatan. Kon kinahanglan naton maghimo hin desisyon, pahihinumdumon kita han baraan nga espiritu han importante nga mga leksyon ngan mga prinsipyo nga aton nahibaroan ha Pulong han Dios.—Ju 14:26.

Pag-research. Kon naghihimo hin desisyon, pakianhi an imo kalugaringon, ‘Ano nga mga teksto o mga asoy ha Biblia an mabulig ha akon nga masabtan kon ano an inaabat ni Jehova mahitungod hini nga butang?’ Pag-ampo kan Jehova para hin bulig, ngan gamita an mga garamiton ha pag-research nga may-ada ha iyo linggwahe nga mabulig ha imo nga makabiling ngan maiaplikar an mga prinsipyo ha Biblia nga haom ha imo sitwasyon.—Sal 25:4.

KITAA AN VIDEO NGA KINAHANGLAN NATON ‘MAPAILUBON NGA DUMALAGAN’—KAON HIN MASUSTANSYA NGA PAGKAON, NGAN BATONA AN MASUNOD:

• Ano nga mga presyur an gin-atubang han sister ha video?

  textarea-1

• Paonan-o mo magagamit an mga garamiton ha pag-research basi mabuligan ka nga maatubang an puropariho nga mga presyur?

  textarea-2

• Paonan-o kita nagpapahimulos kon naggagahin kita hin panahon ha pag-research ngan ha personal nga pag-aram nga mabulig ha aton nga makahimo hin maopay nga mga desisyon?—Heb 5:13, 14

  textarea-3