Kay ano nga kinahanglan mangandam? An mga medical emergency ngan kahospital mahimo tigda la nga mahitabo. Salit antes mahitabo an usa nga emergency, salingabota an ngatanan nga probisyon nga mabulig basi makakarawat ka han pinakamaopay nga pagtambal tubtob nga posible. Kon bubuhaton mo ito, iginpapakita mo nga ginrirespeto mo an kinabuhi ngan an balaud ni Jehova mahitungod ha dugo.—Bu 15:28, 29.

Ano an puydi mo buhaton ha pagpangandam?

• Pag-ampo ngan pil-api hin maopay an durable power of attorney (DPA) card. a An bawtismado nga mga magwarali mahimo makakuha hin DPA card ha literature servant pati hin Identity Card (ic) para ha ira minor de edad nga mga anak

• Kon burod ka, aro ha iyo mga tigurang hin kopya han Information for Expectant Mothers (S-401). Ini nga dokumento mabulig ha imo nga makahimo hin mag-opay nga mga desisyon mahitungod ha medikal nga mga isyu nga mahimo mo atubangon ha panahon han pagburod ngan pagpanganak

• Kon nagkikinahanglan ka hin pagtambal nga bangin mahidabi an paggamit han dugo o kahospital, abanse nga sumati an iyo mga tigurang ngan pahibaroa an hospital nga puydi ka bisitahon hin usa nga ministro han mga Saksi ni Jehova

Paonan-o makakabulig an mga tigurang? Puydi ka nira buligan ha pagpil-ap han imo DPA card. Pero an mga tigurang diri maghihimo hin mga desisyon parte ha pagtambal para ha imo o magpapahayag han ira personal nga mga opinyon ha mga butang nga an kada tagsa an dapat magdesisyon. (Ro 14:12; Gal 6:5) Kon susumatan mo an iyo mga tigurang nga naatubang ka hin medikal nga sitwasyon nga mahimo mahidabi an paggamit han dugo, kukontakon dayon nira an Hospital Liaison Committee (HLC) para ha imo.

Paonan-o makakabulig an HLC? An mga kabugtoan ha HLC ginbansay basi buligan an mga doktor ngan mga abogado nga masabtan nira an aton relihiyoso nga gintotoohan may kalabotan ha dugo. Mahimo hira maghisgot ha imo doktor hin mga pamaagi para malikyan an pag-abuno hin dugo. Kon kinahanglan, mabulig hira ha imo nga makabiling hin doktor nga makooperar ha imo gintotoohan parte ha dugo.

KITAA AN VIDEO NGA KON PAONAN-O MAGHIHIMO HIN MGA DESISYON HA PAGTAMBAL NGA MAY KALABOTAN HA DUGO, NGAN BATONA AN MASUNOD:

• Ano an imo nahibaroan tikang hini nga video nga makakabulig ha imo nga makapangandam para ha medical emergency nga nahidadabi an paggamit han dugo?

  textarea-1