An Pulong han Dios nakakagbag-o han aton kinabuhi. (Heb 4:12) Pero basi makapahimulos kita han giya, direksyon, ngan sagdon hito, kinahanglan magin kombinsido kita nga ito gud “an pulong han Dios.” (1Te 2:13) Paonan-o naton mapaparig-on an aton pagtoo ha Biblia?

Pagbasa hin pipira nga bahin han Biblia kada adlaw. Samtang nagbabasa ka, pamiling hin ebidensya nga hi Jehova an Awtor hito. Pananglitan, usisaha an mga sagdon nga aada ha libro han Proberbios, ngan tigamni an diri nadadaan nga kinaadman nga aada hito.—Pr 13:20; 14:30.

Pagtikang hin usa nga proyekto ha pag-aram. Magin pamilyar ha mga ebidensya nga nagpapamatuod nga an Biblia giniyahan han Dios. Ha Giya ha Pagsaliksik Para ha Mga Saksi ni Jehova, kitaa an topiko nga “Biblia” katapos “Gin-giyahan han Dios.” Mapaparig-on mo liwat an imo pagtoo nga an mensahe han Biblia diri nagbabag-o pinaagi ha pag-usisa han impormasyon nga mababasa ha Apendise A3 han Bag-o nga Kalibotan nga Hubad.

KITAA AN VIDEO NGA KAY ANO NGA MAY PAGTOO KITA HA . . . PULONG HAN DIOS, NGAN BATONA AN MASUNOD:

• Paonan-o an nadiskobrehan ha usa nga bungbong han templo ha Karnak, ha Ehipto, nagpapamatuod nga masasarigan gud an Pulong han Dios?

  textarea-1

• Paonan-o kita nahibaro nga an mensahe han Biblia diri nagbabag-o?

  textarea-2

• Paonan-o an pag-eksister han Biblia tubtob yana nagpapamatuod ha imo nga ito an Pulong han Dios?​—Basaha an Isaias 40:8

  textarea-3