KON KAY ANO NGA IMPORTANTE: Diri mag-iiha, makakaeksperyensya kita hin mga panhitabo nga magsasari han aton kaisog ngan pagsarig kan Jehova. An daku nga kasakitan magtitikang pinaagi ha pagbungkag ha buwa nga relihiyon. (Mat 24:21; Pah 17:16, 17) Hiton masamok nga panahon, posible magpasamwak kita hin mensahe han paghukom. (Pah 16:21) Aatakehon kita han Gog han Magog. (Eze 38:10-12, 14-16) Basi proteksyonan an iya katawohan, papahinaboon ni Jehova an ‘girra ha daku nga adlaw han Dios nga Makagarahum-ha-ngatanan.’ (Pah 16:14, 16) Basi magin maisugon gud kita ha mga mahitatabo ha tiarabot, kinahanglan magin maunungon kita yana kon nasasarihan an aton pagtoo.

KON PAONAN-O ITO BUBUHATON:

• Pagkinabuhi uyon ha hitaas nga mga suruklan ni Jehova ha moral ngan magin maisugon ha pagdepensa hito.​—Isa 5:20

• Padayon nga magsingba upod an mga igkasi-Kristiano.​—Heb 10:24, 25

• Magin andam pirme ha pagsunod ha mga instruksyon han organisasyon ni Jehova.​—Heb 13:17

• Pamalandonga an paagi ni Jehova ha pagtalwas han iya katawohan ha naglabay.​—2Pe 2:9

• Pag-ampo kan Jehova ngan sarig ha iya.​—Sal 112:7, 8

KITAA AN VIDEO NGA MGA PANHITABO HA TIDARAON NGA MAGKIKINAHANGLAN HIN KAISOG​—EXCERPT, NGAN IPAKIANA AN MASUNOD:

• Paonan-o nasarihan an pagkamasinugtanon han mga magwarali han igintampo an ira kongregasyon ha iba nga kongregasyon?

• Ano an koneksyon han kaisog ha pagsugot?

• Kay ano nga kinahanglan an kaisog pag-abot han Armagedon?

• Ano nga asoy ha Biblia an makakabulig ha aton nga maparig-on an aton pagtoo ha gahum ni Jehova ha pagtalwas?​—2Cr 20:1-24