Mga Salmo 27:1-14
Salmo ni David.
27 Hi Jehova an akon kalamrag+ ngan an akon katalwasan.
Hin-o an akon sadang kahadlokan?+
Hi Jehova an balwarte han akon kinabuhi.+
Kan kanay ako sadang mangurog ha kahadlok?
2 Han gin-atake ako han magraot nga mga tawo nga sugad hin lalamuyon nira ako,+An mga nakontra ha akon ngan an akon mga kaaway amo an napakdol ngan natumba.
3 Bisan kon may kasundalohan nga magkampo kontra ha akon,An akon kasingkasing diri mahahadlok.+
Bisan kon may makiggirra kontra ha akon,Bisan pa hito, magpapabilin ako nga nasarig ha iya.
4 Usa nga butang an akon ginhangyo kan Jehova—Ito an akon ginhihingyap—
Nga makaukoy ako ha balay ni Jehova ha ngatanan nga adlaw han akon kinabuhi,+Basi makita an pagkamaopay ni JehovaNgan magkita nga may apresasyon* ha iya templo.*+
5 Kay iya ako itatago ha iya luruk-an ha adlaw han kabungkagan;+Iya ako itatago ha sekreto nga lugar han iya tolda;+Igbubutang niya ako ha igbaw han usa nga bato.+
6 Yana an akon ulo mas hitaas kay ha akon mga kaaway nga nakapalibot ha akon;Maghahalad ako hin mga halad didto ha iya tolda nga may malipayon nga pagsinggit;Magkakanta ako hin mga pagdayaw* kan Jehova.
7 Pamatii ako, O Jehova, kon nangangaraba ako;+Ipakita ha akon an imo pagkabuotan ngan batona ako.+
8 An akon kasingkasing nagyakan han imo sugo:
“Pamilnga an akon nawong.”
An imo nawong, O Jehova, akon pamimilngon.+
9 Ayaw itago an imo nawong ha akon.+
Ayaw isalikway an imo surugoon tungod han imo kasina.
Ikaw an akon parabulig;+Ayaw ako pagpabay-i o ayaw ako pagbayai, akon Dios nga nagtatalwas ha akon.
10 Bisan kon bayaan ako han akon kalugaringon nga tatay ngan nanay,+Hi Jehova mismo an makuha ha akon.+
11 Tutdui ako han imo dalan, O Jehova,+Tugwayi ako ha matadong nga aragian tungod han akon mga kaaway.
12 Ayaw ako itubyan ha mga nakontra ha akon,*+
Kay an buwa nga mga testigo nag-akusar ha akon,+Ngan madarahog nga gintarhog nira ako.
13 Hain daw la ako kon waray ako pagtooNga makikita ko an pagkamaopay ni Jehova ha tuna han mga buhi?*+
14 Laom kan Jehova;+Magin maisugon ngan magin marig-on ha kasingkasing.+
Oo, laom kan Jehova.
Mga footnote
^ O “magkita nga namamalandong.”
^ O “santuaryo.”
^ O “Magkakanta ako nga ginduduyogan hin mga instrumento.”
^ O “ha kalag han mga nakontra ha akon.”
^ O posible nga “Natoo gud ako nga makikita ko an pagkamaopay ni Jehova ha tuna han mga buhi.”
