Job 5:1-27
5 “Alayon pagtawag! May nabaton ba ha imo?
Hin-o ha mga baraan an imo dadangpan?
2 Kay an pagdumot makakamatay han lurong,Ngan an kaawa magpapatay ha tawo nga madali tumoo.
3 Nakita ko nga an lurong nanggagamot,Pero tigda nga iginsusumpa an iya urukyan.
4 An iya mga anak diri talwas;Gintatalumpigos hira ha ganghaan han syudad,+ ngan waray bisan usa nga nagtatalwas ha ira.
5 An tawo nga gutom nakaon han iya gin-aani,Nga ginkukuha ito bisan ha butnga han katunokan,Ngan an ira mga panag-iya gin-aagaw.
6 Kay an nakakadaot nga mga butang diri nananaringsing tikang ha tapotapo,Ngan an kasamok diri natubo tikang ha tuna.
7 Kay an tawo nga igin-aanak sigurado nga magkakaada problema,Sugad la nga an nagkakalpad nga mga bága sigurado nga malupad tipaigbaw.
8 Kondi maapela ako ha Dios,Ngan ipapasa ko ha Dios an akon kaso,
9 Ha Iya nga nagbubuhat hin dagku ngan diri matugkad nga mga butang,Urusahon nga mga butang nga diri maihap.
10 Naghahatag hiya hin uran ha tunaNgan nagpapadara hin mga tubig ha kapatagan.
11 Ginpapahitaas niya an mga ubos,Ngan ginbubutang niya ha hitaas ngan talwas nga lugar an masurub-on.
12 Ginpapakyas niya an mga plano han mga tuso,Basi diri maglampos an buhat han ira mga kamot.
13 Iya gindadakop an mga maaramon ha ira kalugaringon nga mga limbong,+Basi diri madayon an mga plano han mga tuso.
14 Iginkakatapo nira an kasisidman durante han adlaw,Ngan nangangapkap hira ha kaudtuhon nga sugad hin gab-i na.
15 Nagtatalwas hiya hin mga tawo tikang ha espada han ira baba,Gintatalwas an mga pobre tikang ha kamot han magkusog,
16 Salit an mga ubos may paglaom,Kondi an baba han mga diri magtadong gintitik-om.
17 Kitaa! Malipayon an tawo nga ginsasaway han Dios;Salit ayaw isalikway an disiplina han Makagarahum-ha-ngatanan!
18 Kay nagpapahinabo hiya hin kasakit, kondi nagpuputos han samad;Nagsasamad hiya, kondi nagtatambal pinaagi han iya mismo mga kamot.
19 Tatalwason ka niya tikang ha unom nga kakurian,Bisan an ikapito diri makakadaot ha imo.
20 Ha panahon han gutom tutubuson ka niya tikang ha kamatayon,Ngan tikang ha gahum han usa nga espada ha panahon han girra.
21 Papanalipdan ka tikang ha paglatigo han dila,+Ngan diri ka mahahadlok ha kabungkagan pag-abot hito.
22 Tataw-an mo an kabungkagan ngan kagutom,Ngan diri ka mahahadlok ha ihalas nga mga hayop ha tuna.
23 Kay an mga bato diri magdadaot ha imo,*Ngan magigin sangkay mo an ihalas nga mga hayop.
24 Hibabaroan mo nga talwas* an imo tolda,Ngan waray magkukulang kon imo uusisahon an imo panabsaban.
25 Malilipay ka ha pagkaada damu nga anak,Ngan an imo katulinan magigin sugad kadamu han mga tanom ha tuna.
26 Magigin makusog ka la gihapon pagkadto mo ha lubnganan,Pariho hin mga binutok nga mga uhay nga gintitirok ha panahon han pangani hito.
27 Kitaa! Gin-usisa namon ito, ngan tinuod ito.
Pamati ngan karawata ito.”
Mga footnote
^ O “an mga bato magkakaada kasabotan (kauyonan) ha imo.”
^ Lit., “nga an kamurayawan.”
