Job 40:1-24
40 Hi Jehova padayon nga binaton kan Job:
2 “An usa ba nga parapamiling hin sayop sadang makiglantugi ha Makagarahum-ha-ngatanan?+
Pabatona an tawo nga naruruyag pagsaway ha Dios.”+
3 Hi Job binaton kan Jehova:
4 “Kitaa! Diri ako takos.+
Ano an akon maibabaton ha imo?
Gintatak-oman ko an akon baba.+
5 Nagyakan ako hin makausa, pero diri na ako mabaton utro;Hin makaduha, pero waray na ako isisiring pa.”
6 Katapos, ginbaton ni Jehova hi Job tikang ha buhawi:+
7 “Alayon iandam an imo kalugaringon sugad hin lalaki;Papakianhan ko ikaw, ngan sumati ako.+
8 Imo ba kukwestyunon* an akon hustisya?
Kukondenaron mo ba ako basi magin husto ka?+
9 May butkon ka ba nga sugad kagamhanan han butkon han tinuod nga Dios,+O an imo ba tingog makakapadalugdog pariho han iya tingog?+
10 Alayon adornohi an imo kalugaringon hin dungog ngan pagkaharangdon;Pagsul-ot hin dignidad ngan dungog.
11 Igawas an imo duro nga kasina;Kitaa an tagsa nga mapahitas-on, ngan paubsa hiya.
12 Kitaa an tagsa nga mapahitas-on, ngan paubsa hiya,Ngan tamak-tamaki an magraot ha ira gintitindogan.
13 Itago hira ngatanan ha tapotapo;Gaposa hira* ha tago nga lugar,
14 Katapos, bisan ako masiring ha imo*Nga an imo too nga kamot makakatalwas ha imo.
15 Kitaa, iini an Behemot,* nga akon ginhimo sugad la nga ginhimo ko ikaw.
Nakaon ito hin banwa pariho hin todo nga baka.
16 Kitaa an pwersa ha mga baliatang hitoNgan an kusog ha kaunoran han tiyan hito!
17 Ginpapatig-a hito an iya ikog pariho hin kahoy nga sedro;An mga litid han paa hito ginhablon basi magturugkop.
18 An mga tul-an hito mga tubo nga tumbaga;*
An mga parte han lawas hito pariho hin pinorma nga puthaw nga mga tungkod.
19 Nangunguna ito* ha mga buhat han Dios,Hiya la nga naghimo hito an makakadaop hito gamit an iya espada.
20 Kay an pagkaon hito igintatagana han kabukiran,Diin nag-uuyag an ngatanan nga ihalas nga hayop.
21 Naluob ito ha ilarom han mga kahoy nga lotus,Ha sirong han mga tangbo ha hanang.
22 Ginlalambongan ito han mga kahoy nga lotus,Ngan ginpapalibotan ito han mga kahoy nga alamo ha walog.*
23 Kon masulog an salog, diri ito natataranta.
May kompyansa ito, bisan kon an Jordan+ naagos hin makusog ngada ha baba hito.
24 May-ada ba makakadakop hito samtang nagkikita ito,O makakatusok han irong hito pinaagi hin kawil?*
Mga footnote
^ O “papamatud-an nga sayop.”
^ Lit., “an ira nawong.”
^ O “magkukumendasyon ha imo.”
^ Posible nga an hipopotamus.
^ Ha Ingles, copper.
^ Lit., “Ito an tinikangan.”
^ Lit., “bitik.”
