Job 36:1-33
36 Hi Elihu nagpadayon:
2 “Pagpailob ha akon hin gutiay na la samtang nagsasaysay ako,Kay may igyayakan pa ako ha ngaran han Dios.
3 Magyayakan ako hin detalyado mahitungod han akon hinbabaroan,Ngan akon ipapahayag an pagkamatadong Niya nga naghimo ha akon.+
4 Ha pagkamatuod diri buwa an akon mga pulong;Hiya nga perpekto an kahibaro+ aanhi ha imo atubangan.
5 Oo, an Dios gamhanan+ ngan waray iginsasalikway;May-ada hiya daku nga pagsabot.*
6 Diri niya titipigan an kinabuhi han magraot,+Kondi nahatag hiya hin hustisya ha mga nag-aantos.+
7 Diri niya iginlilingiw an iya pagkita tikang ha magtadong;+Ginpapalingkod niya hira ha trono kaupod han mga hadi,*+ ngan ginpapahitaas hira ha kadayonan.
8 Kondi kon gin-gagapos hira hin mga kadenaNgan gindadakop pinaagi hin mga pisi han pag-antos,
9 Iya iginsusumat ha ira an ira mga ginbuhat,An ira mga pagtalapas tungod han ira pagpahitaas.
10 An ira mga talinga iya gin-aabrihan ha pagsaway
Ngan ginsisidngan hira nga bumaya ha pagbuhat hin sayop.+
11 Kon sumugot hira ngan mag-alagad ha iya,Magkikinabuhi hira hin mainuswagon ha nahibibilin nira nga mga adlaw,Ngan an ira mga tuig magigin makalilipay.+
12 Kondi kon diri hira sumugot, mamamatay hira pinaagi han espada*+Ngan mahahanaw hira nga waray kahibaro.
13 An mga tawo nga maraot an kasingkasing* magdudumot.
Diri hira mangangaraba para hin bulig bisan kon gin-gagapos niya hira.
14 Mamamatay hira* samtang batan-on pa,+Nga an ira kinabuhi ginagamit* kaupod han mga lalaki nga ginbabayaran basi makighilawas didto ha templo.+
15 Kondi an mga nag-aantos gintatalwas han Dios* durante han ira pag-antos;Iya gin-aabrihan an ira talinga ha panahon nga gintatalumpigos hira.
16 Iginpapahirayo ka niya ha ganggang han kasakitan+Ngadto ha haluag nga lugar, nga waray nakakaulang,+Nga may magtambok nga pagkaon ha imo lamesa sugad nga pagliaw.+
17 Katapos, makukontento ka ha paghukom ha maraot nga tawo,+Kon ipadapat na an paghukom ngan ipatuman na an hustisya.
18 Kondi pag-ikmat nga an duro nga kasina diri magtugway ha imo nga gumawi hin nakakatamay,*+Ngan ayaw pagtugot nga an daku nga hukip magsimang ha imo.
19 An imo ba pangaraba para hin bulig
O an bisan ano han imo duro nga mga pangalimbasog maglilikay ha imo ha kasakitan?+
20 Ayaw hingyapa an gab-i,An panahon nga an mga tawo nawawara ha ira hinmumutangan.
21 Pagbantay nga diri ka magbuhat hin sayop,Nga pilion ini imbes nga an pag-antos.+
22 Kitaa! An Dios gindadayaw tungod han iya gahum;May instruktor ba nga pariho ha iya?
23 Hin-o an naggiya ha* iya dalan+
O nagsiring ha iya, ‘Sayop an imo ginbuhat’?+
24 Hinumdumi an pagdayaw ha iya mga buhat,+Nga ginkakanta han mga tawo.+
25 An ngatanan nga katawohan nakakita hito,An mortal nga tawo nagkikinita tikang ha hirayo.
26 Oo, an Dios mas harangdon kay han mahimo naton mahibaroan;+An kadamu han iya mga tuig diri masasabtan.*+
27 Iya ginkakabig tipaigbaw an mga turo han tubig;+An alisngaw nabubug-os basi magin uran;
28 Katapos, iginbububo ini han mga dampog;+Nagpapauran ito ngada ha katawohan.
29 May-ada ba makakasabot han pagkasuonsuon han mga dampog,Han pagdalugdog tikang ha iya tolda?*+
30 Kitaa kon paonan-o niya iginpapasarang an iya kidlat*+ ha bawbaw hito
Ngan gintatabonan an kahiladman* han dagat.
31 Pinaagi hini iya ginsusuportaran* an mga katawohan;Iya hira gintatagan hin hura nga pagkaon.+
32 Gamit an iya mga kamot gintatabonan niya an kidlat,Ngan iya ito igin-aasintar ha puntirya hito.+
33 An iya dalugdog nagsusumat mahitungod ha iya,Bisan an inataman nga mga hayop nagsusumat kon hin-o* an tiabot.
Mga footnote
^ Lit., “kasingkasing.”
^ O posible nga “Ginpapalingkod niya ha trono an mga hadi.”
^ O “pinaagi hin armas (pana).”
^ O “nga apostata ha ira kasingkasing.”
^ O “Mamamatay an ira kalag.”
^ O posible nga “natatapos.”
^ Lit., “Niya.”
^ O “magpakpak sugad nga pagtamay.”
^ O posible nga “nagpahayag nga sayop an; nagsitar ha iya tungod han.”
^ O “diri maiihap.”
^ Lit., “payag.”
^ Lit., “kalamrag.”
^ Lit., “mga gamot.”
^ O posible nga “gindidepensahan.”
^ O posible nga “ano.”
