Isaias 6:1-13
6 Han tuig nga namatay hi Hadi Uzias,+ nakita ko hi Jehova nga nalingkod ha hitaas nga trono,+ ngan an ubos nga bahin han iya hilaba nga bado linukop ha templo.
2 May mga serapin nga natindog ha bawbaw niya; an kada tagsa may unom nga pako. An kada tagsa* nagtatabon han iya nawong gamit an duha nga pako ngan nagtatabon han iya mga tiil gamit an duha nga pako, ngan an tagsa ha ira naglulupad-lupad gamit an duha nga pako.
3 Ngan an usa nagtawag ha usa pa ngan nagsiring:
“Baraan, baraan, baraan hi Jehova han mga hugpo.+
An bug-os nga tuna puno han iya himaya.”
4 Ngan an mga hamba han mga purtahan nabay-og tungod ha aringasa han pagguliat,* ngan an balay napuno hin aso.+
5 Katapos nagsiring ako: “Kairo ko!
Sugad ako hin patay,*Kay usa ako nga tawo nga mahugaw an mga im-im,Ngan naukoy ako kaupod hin katawohan nga mahugaw an mga im-im;+Kay an akon mga mata nakakita ha Hadi, hi Jehova han mga hugpo mismo!”
6 Katima, usa han mga serapin an linupad ngadi ha akon, ngan may dara hiya nga bága+ nga iya ginkuha ha halaran+ gamit an kimpit.
7 Iya ginkaptan an akon baba ngan nagsiring:
“Kitaa! Dinapat ini ha imo mga im-im.
An imo pagkasalaan ginkuha na,Ngan an imo sala ginpara na.”
8 Katapos, nabatian ko an tingog ni Jehova nga nasiring: “Hin-o an akon susugoon, ngan hin-o an makadto para ha amon?”+ Ngan nagsiring ako: “Aadi ako! Sugoa ako!”+
9 Ngan binaton hiya, “Lakat, ngan sidnga ini nga katawohan:
‘Makakabati kamo hin pauroutro,Pero diri kamo makakasabot;Makakakita kamo hin pauroutro,Pero diri kamo makakakuha hin bisan ano nga kahibaro.’+
10 Patig-aha an kasingkasing hini nga katawohan,+Himoa nga bungol an ira mga talinga,+Ngan ipiyong an ira mga mata,Basi diri hira makakita pinaagi han ira mga mata
Ngan makabati pinaagi han ira mga talinga,Basi diri makasabot an ira kasingkasingNgan diri hira makabalik ngan matambal.”+
11 Katapos hini nagsiring ako: “Tubtob san-o, O Jehova?” Ngan nagsiring hiya:
“Tubtob nga an mga syudad magin kagubaan na, nga waray naukoyNgan an mga balay waray na mga tawoNgan an tuna nadaot na ngan binayaan na;+
12 Tubtob nga paiwason ni Jehova an katawohan+Ngan maghaluag gud an pagin binayaan han tuna.
13 “Kondi magkakaada la gihapon ikanapulo dida hito, ngan susunugon ito utro, pariho hin daku nga kahoy ngan pariho hin kahoy nga roble, nga katapos pudlon may mahibibilin nga tuod; usa nga baraan nga binhi* an magigin tuod hito.”
Mga footnote
^ Lit., “Hiya.”
^ Lit., “ha tingog han nagtatawag.”
^ Lit., “Ginpahilom ako.”
^ O “tulin.”
