Hosea 11:1-12
11 “Han bata pa an Israel, hinigugma ko hiya,+Ngan gintawag ko an akon anak tikang ha Ehipto.+
2 Samtang mas gintatawag nira* hira
Mas napahirayo hira tikang ha ira.+
Padayon hira nga naghahalad ha mga imahen ni Baal+Ngan naghahalad hin mga halad ha inukit nga mga imahen.+
3 Pero ako an nagtutdo ha Efraim ha paglakat,+ ginkukugos ko hira;+Ngan waray nira kilalaha nga ako an nagtambal ha ira.
4 Pinaagi han mga pisi han mga tawo* padayon nga ginbutong ko hira, pinaagi han mga higot han gugma;+Ngan ha ira nagin sugad ako hin nag-aalsa hin yugo tikang ha ira mga panga,Ngan malumo nga nagdara ako hin pagkaon ha kada tagsa.
5 Diri hira mabalik ha tuna han Ehipto, pero an Asirya an ira magigin hadi,+Kay nagdumiri hira pagbalik ha akon.+
6 Ngan an espada magbibirik-birik kontra ha iya mga syudad+Ngan magbubungkag han iya mga trangka ngan maglalamoy ha ira tungod han ira maraot nga mga plano.+
7 An akon katawohan determinado nga magin diri matinumanon ha akon.+
Bisan kon gintawag nira hira ngadto ha hitaas,* waray bisan usa nga natindog.
8 Paonan-o ko ikaw papabay-an, O Efraim?+
Paonan-o ko ikaw igtutubyan, O Israel?
Paonan-o ko ikaw tatrataron pariho han Adma?
Paonan-o ko ikaw hihimoon pariho han Zeboiim?+
Nagbag-o an akon hunahuna;*
Ha pariho nga panahon an akon pagpaid nabantad.*+
9 Diri ko ipapahayag an akon naglalaga nga kasina.
Diri ko bubungkagon utro an Efraim,+Kay Dios ako ngan diri tawo,An Baraan nga Dios ha butnga niyo;Ngan diri ako makada ha iyo nga napupungot.
10 Maglalakat hira sunod kan Jehova, ngan mauwang hiya pariho hin leon;+Kon nauwang hiya, an iya mga anak maabot nga nangungurog tikang ha weste.+
11 Mangungurog hira pariho hin tamsi paggawas nira ha Ehipto,Pariho hin sarapati tikang ha tuna han Asirya;+Ngan pauukyon ko hira ha ira mga balay,” siring ni Jehova.+
12 “Ginpalibotan ako han Efraim hin mga buwa,Ngan an panimalay ni Israel hin panlimbong.+
Pero an Juda naglilinibot* pa gihapon kaupod han Dios,Ngan matinumanon hiya ha Pinakabaraan nga Dios.”+
Mga footnote
^ Karuyag sidngon, an mga propeta ngan an iba pa nga ginsugo ha pagtutdo ha Israel.
^ O “han mga pisi han pagkabuotan,” pariho han kanan kag-anak.
^ Karuyag sidngon, para ha ginpahitaas nga paagi han pagsingba.
^ Lit., “kasingkasing.”
^ Lit., “nagpaso.”
^ O “naglilinakat.”
