An European Union ngan an Estados Unidos nagpagawas hin magkabulag nga pahayag nga nagpapakita hin kabaraka han ginhihimo han Russia nga sayop nga pagtratar ha mga Saksi ni Jehova. Iginbuhayhag hito nga mga pahayag nga buwa an pag-angkon han Russia nga an pagdiri han legal nga mga korporasyon han mga Saksi ni Jehova diri makakaapekto ha kagawasan han tagsa nga Saksi ha pagbuhat han ira gintotoohan. Sumala pa han European Union, ito nga “pag-angkon diri gud tukma han ira [han gobyerno han Russia] mga ginbubuhat.” Ha pagtanding han pag-angkon han Russia ha paagi han ira pagtratar ha mga Saksi, an Estados Unidos nagsiring nga “kabaliktaran an nahitatabo.”

Ginpriso han mga awtoridad han Russia an walo nga kalalakin-an nga Saksi ngan ha pagkayana may gin-iimbistigaran hira nga 12 nga kaso ha 11 nga syudad. Bisan kon nakakaalarma gud an pagtikadamu han ginkukompiskar nga mga propyedad, an nakakapabaraka gud amo an pag-antos han tagsa nga Kristiano nga gintitimaraot tungod han ira pagtoo.

An European Union ngan an Estados Unidos pariho nanawagan ha gobyerno han Russia nga respetuhon an saad hito may kalabotan ha kagawasan ha paghunahuna, konsensya, ngan relihiyon o gintotoohan.

Link han mga pahayag:

https://www.osce.org/permanent-council/381820

https://www.osce.org/permanent-council/381823