Pytykap pabiꞌikid kywai ONU diꞌikiꞌu:

•   Wyn 2023 dun, 7 outubro diꞌik atii 23 outubro diꞌit, mizaataakary Gaza Israel ii 6.400 pidiannau maukan naꞌik 15.200 pidiannau baitinhan. Naꞌik dirib pidiannau inwaꞌakan padap.

•   Wyn 2023 dun, atii 24 setembro diꞌit, mizaataakary Rússia naꞌik Ucrânia baitinkid dirib pidiannau. Ucrânia ii, 9.701 pidiannau maukan naꞌik 17.748 pidiannau baitinhan. Naꞌapam Tuminkery Karichian kian pidiannau baitinheinhawyz mizaataakary id?

 Kanumaꞌu nii xaꞌap mizaataakary tym diinheꞌitiꞌi?

 Tuminkery Karichian kian, “Tuminkery katukuntan nii mizaataakary kid ipei amazada kawan at”. (Psalm [Salmo] 46:9) Ymyydan nii baydap Naubunai kazuwaytpaꞌu nii ipei amazada, wyryy kazuwaytpaꞌu kainhaꞌa naa ykazuwaytpan aukaz ii, atazunaa aunaꞌu nii naa pauwaꞌa pidiannau naubunaitinpen daꞌaa imiꞌi baaraꞌa. (Daniel 2:44) Tuminkery Naubunaitinpen katukuntan nii ipei baitinkery kid naꞌik ysaabaan nii diuraz amazada kaimenaꞌu maxaapkizai nii.

 Pytuminhap kanumaꞌu nii Disu Kristu xaꞌapat, Tuminkery zamatnii yryy Kazuwaytpaꞌu nii paNaubunaitinhapkiz ii:

•   “Ykazannaatan nii mapyratanyꞌu pixaꞌuraz kaxaꞌuraꞌu idiaꞌan pakaminkeꞌytkau, pidian patakaꞌytinhaꞌuraz naꞌik ipei pidian aunaꞌuraz kanum kaminkeꞌytan yryy. Ykaxaꞌurkidian nii patakaꞌytinhaꞌuraz naꞌik mapyratanyꞌuraz, naꞌik ykazannaatan nii inhau pa antamikichikau ai naꞌik mizaataakary ai.” — Psalm (Salmo) 72:12-14.

 Tuminkery naubunaitinpen dunuꞌu naa imiꞌi baaraꞌa, ykatukuntan nii baitinkery naꞌik kaxaꞌurkary xaꞌapaꞌuraz mizaataakary id, aunaꞌu nii naa pauwaꞌa naꞌapaꞌu baitin kidian pidiannau.

•   “Ipeꞌu nii yinuan in awyn yy kid, aunaꞌu nii naa pauwaꞌa pidian maukan uu kaxaꞌuran, uu zaadayzun uu baiaapan kaziweꞌu. Yxaꞌapanym kayꞌan kiwiichipaꞌuraz uiaꞌu xaꞌapatayzukariwei kidiaz mainhaabatkau idiꞌi naa.” — Revelation (Apocalipse) 21:4.

 Atazunaa Tuminkery Naubunaitinpen kazuwaytpan ipei imiꞌi baara. Tuminkery Karichian kuwadnii kainhaꞌu nii mizaataakary kid naꞌik kainhaꞌu nii mizaataakary kid kuwadapkau, yryy naa xaꞌapaꞌuraz kai. (Matthew [Mateus] 24:6) Wyryy aimeakan kid xaꞌapaꞌuraz aizii naꞌik bauran aimeakan kid kainhaabat waꞌat wamaxaapan naa amazada ikudaꞌa nan diꞌiti naa patukun. — 2 Timothy (2 Timóteo) 3:1.