• Tuminkery zamatnii yryy. “Ungary zamatnii yryy naubunaitinpeꞌu nii . . . Untaan nii pabiꞌinaakaꞌu pidiannau yidiway nii naꞌik ytaapan nii ipei imiꞌi baara.” — Psalm (Salmo) 2:6, 8.

• Naubunai Davi takaandayn. “Kuraidiaunaa xaktan waꞌat . . . Yryy kaimenaꞌu ymanawynyꞌu ykazuwaytipan Davi naubunaitinhap kiz ii, aunaꞌu nii ynaubunaitinpen tukun nii, karikeunanyꞌu nii ynaꞌan.” — Isaiah (Isaías) 9:6, 7.

• Xaktaꞌu Belém ii. “Uu Belém . . . , pygary diꞌikiꞌu nii naubunai waꞌatin . . . Ymanawynyꞌu nii yryy, yaichiapkau nii ipei amazada kawan at.” — Micah (Miqueias) 5:2, 4.

• Aunaꞌu yabatazukau naꞌik yzuiikeu. “Aunaa yabatkaꞌu inkasdan id yryy  . . . Ybaitinhan waꞌuian dikin ii, ybaiaapan kaziweꞌu waꞌuian id.” — Isaiah (Isaías) 53:3, 5.

• Ykadixitkidkeu naꞌik ykunaykikidkau. “Aunaꞌu nii unwaꞌakaꞌu baranai ii. Aunaꞌu nii pytaapadan mixidiaꞌu aichipan kaynary mauwakizei iaꞌu diꞌii  . . . Karikeunanyꞌu nii ykunaykiitinhan.” — Psalm (Salmo) 16:10, 11.

Kutyaꞌu diꞌikiꞌu suu baydap pidian, yryy Disu Kristu xaꞌapatinhaꞌuraz kaimenaimen Tuminkery Paradan kuwadnii kawan. Naꞌik anjo kiinii Maria at: “Tuminkery zamatnii yryy naubunai nii, naꞌap kutyaꞌu ydukuz dan naubunai Davi kawan, . . . naꞌik yNaubunaitinhapanyz, aunaa naꞌapainim nii ykatukuntinhan.” — Luke (Lucas) 1:31-33.

Aunaa zii Disu sakadan pakazuwaytipan diuraz amazada idiaꞌa. Disu yryy kazuwaytipaꞌu nii Tuminkery Naubunaitinhap kiz aukaz ik, ykazuwaytipan nii ipei pidiannau imiꞌi baara idiaꞌa. Kandii nii Disu Kaimenaꞌu manawyn ykazuwaytipan? Pytykap kanum yxaꞌapatnii ymaxaapankan dun daꞌaa imiꞌi baara.

•   Disu kaminkeꞌytayznii daꞌi pidiannau. Disu kaminkeꞌytayznii ipei pidiannau — daunaiuranau, zynnau, painhanhau, maskunaunau, tynarynaunau, kapyraataniinhau uu mapyraataniinhau. (Matthew [Mateus] 9:36; Mark [Marcos] 10:16) Daunaiura baitinhaꞌuraz kichanaikiaꞌu bixui id, ykian Disu at: “Pinhikynyy naꞌapam an, pysaabaa wyryꞌy unkabixupanyz.” Disu kaxaꞌurkidian, yryy id, ykakyd wyryy daunaiura. — Mark (Marcos) 1:40-42.

• Disu tuminhapkidnii waynau, naꞌapam kiz wakunaykikidian Tuminkery nhikynyy. Disu kiinii: “Aunaa tyryy pidian naubunaichipan Tuminkery naꞌik pyraata.” Ykakinhautnii kapam waynau waxaꞌapat kiz kaimenaꞌu aimeakan baurainhau at, naꞌap wa aipen kawan aimeakan xaꞌapatkau waꞌat. Naꞌik Disu kuwad Tuminkery naydap waxaꞌapatnii kid. Tuminkery aichap kapam, naꞌapam wadiꞌitinpen naꞌik naꞌapam wa abatinpen. Yryy id, wakunaykikidiaꞌazun dun Tuminkery wadiꞌitinhap kiz kaimen kidiaꞌu daꞌy. (Matthew [Mateus] 5:28; 6:24; 7:12) Naꞌik Disu tuminhapkidnii wamaxaap kiz kunaykii, watuminhap kiz naꞌapam Tuminkery aiapnii daꞌy waxaꞌaptan naꞌik waizuꞌat kiz yryy. — Luke (Lucas) 11:28.

• Disu tuminhapkidnii naꞌapam kiz wamarainpen pidiannau. Disu paparadan idiaꞌan naꞌik paxaꞌapatinhan idiaꞌan ypixtan pidiannau nhikynyy. “Tyykii pidiannau diꞌitinpen naꞌapam ytuminhapkidian daꞌy.” (Matthew [Mateus] 7:28, 29) Disu kiinii: ‘Pymarainhap pidian tuꞌurainhau pyꞌat.’ Disu turinhapnii Tuminkery at, pidiannau zuinhawyz paygary dayꞌan. Ykian: ‘Undary, pymainhaabat wyryꞌy dikeydaꞌu aimeakan inxaꞌapataniaz un at, aunaa in aichipan kanum niꞌu wyryꞌy paxaꞌapaapanyz aimeakan.’ — Matthew (Mateus) 5:44; Luke (Lucas) 23:34.

Disu yryy kaimenaꞌu pauwaꞌa zii ykazuwaytipan kaimen pidiannau, yryy kaimenaꞌu naꞌik ykaxaꞌurkid pidiannau. Naꞌapainim nii Disu kazuwaytipan imiꞌi baaraꞌa?