14. Naꞌapam tyryy Daiarii, Daiarui naꞌik Daniinhau maxaapan kunaykii?
1. YEWAH YRYY TUMAꞌU MAZIDIKERY
“Yryy id karikeunan unkuduryꞌykan wadary Tuminkery kanaapu at unturinpen dun. Yryy wyryy pabiꞌinaaka kidiaꞌuraz pidiannau dary, ipei aukaz iainhau naꞌik imiꞌi baara anainhau kidiaz.” — Ephesians (Efésios) 3:14, 15
Naꞌapam tyryy daiarii, daiarui, daniinhau maxaapan kunaykii?
-
Yewah yryy tumaꞌu kiwiniꞌu mazidikery.
-
Daiarii, daiarui naꞌik daniinhau tamakap kiz Yewah naꞌik Disu kadyz.
2. YEWAH TAA PAKAKINHAURI DAIARII NAꞌIK DAIARUI AT
“Marii kiz ipei daunaiuranau maraipen paydaiaru naꞌap inmaraipen kawan pananaa. Naꞌik marii kiz ipei daiaruinhau taapan imanawynyꞌu nii paydaiary kid.” — Ephesians (Efésios) 5:33
Naꞌapam kiz daiarii naꞌik daiarui taapakan paꞌatiꞌaka?
-
Daiarii kazuwaytapnii paydaiaru. Daiarii marainhap kiz paydaiaru naꞌik daiarui abatayz kiz paydaiary paradan.
Colossians (Colossenses) 3:19; 1 Peter (1 Pedro) 3:4
Marii kiz daiarii maraipen paydaiaru naꞌik daiarui maraipen paydaiary inmaraipeaka paꞌatiꞌaka naꞌik in abataakan paꞌatiꞌaka.
-
Marii kiz daiarii naꞌik daiarui taapakan kaimen paꞌatiꞌaka.
1 Timothy (1 Timóteo) 5:8; Titus (Tito) 2:4, 5
Daiarii kaydin kiz paikudkinha nii wanhikyni paydaiaru at naꞌik paydainhau at. Daiarui taap kiz kaimen paydaiary naꞌik paydainhau.
3. YEWAH TAA KAKINHAURII DARIINHAU AT NAꞌIK DARUINHAU AT
“Aunaa ytuꞌuradaꞌanaꞌa ydainhau, mixiꞌuraimen kaimen ytaap indiayn, ykakinhaut indiayn kaimenaꞌu idiaꞌan naꞌik ytuminhapkid indiayn Tuminkery aipen kawan at.” — Ephesians (Efésios) 6:4
Kanum Yewah aipen dariinhau ai naꞌik daruinhau ai?
Deuteronomy (Deuteronômio) 6:4-9; 2 Timothy (2 Timóteo) 3:15
Dariinhau naꞌik daruinhau tuminhapkid kiz paydainhau Yewah daꞌy inkuraidiaunaan diꞌik. Kunaiaꞌydaꞌy idiaꞌan dariinhau naꞌik daruinhau kaminkeꞌyt kiz paydainhau inminhaydaꞌychiap kiz Yewah.
-
Dariinhau naꞌik daruinhau tuminhapkid kiz paydainhau kichanaitkiaꞌu aimeakan ai pidian mizeapayz kuraiziannau ai.
Jeremiah (Jeremias) 30:11; Hebrews (Hebreus) 12:9-11
Dariinhau naꞌik daruinhau kakinhaut kiz paydainhau, mazan aunaa kiz inxaꞌapatan patuꞌuran idiaꞌan, aunaa kiz dariinhau naꞌik daruinhau antamikichan paydainhau kaziweꞌu idiaꞌan.
4. YEWAH TAA KAKINHAURII DANIINHAU AT
“Kuraiziannau, yizuꞌat ydary naꞌik ydaru paradan.” — Ephesians (Efésios) 6:1
Kandii nii daniinhau izuꞌat kiz?
Proverbs (Provérbios) 23:22-25; Colossians (Colossenses) 3:20
Daniinhau izuꞌitin dun, kunaykiaꞌu nii Yewah, dariinhau naꞌik daruinhau kapam.
1 Corinthians (1 Coríntios) 15:33
Daniinhau kaminhaꞌytinpen dun pidiannau maraipeꞌu Yewah tym, maxaꞌapannaꞌu nii in izuꞌitin naꞌik inxaꞌapatan sakichipaꞌu aimeakan.
