Yewah taanii waꞌat kaimenaꞌu aimeakan: Ykarichian. Wyryy Tuminkery Karichian baukuptan 66 karichi kid. Mazan panadun pidiꞌitinpen: ‘Kanum diꞌikiꞌu wyryy karichi waꞌatin? Kanum kakinhaurii kid saadkariwez?’ Wa aichiap kinha nii watykap naꞌapam Tuminkery Paradan kawaan waꞌidiaꞌat.

1. Daunaiuranau saadnii Tuminkery Karichian, mazan kandii nii ydakutkau Tuminkery Paradan?

Irib daunaiuranau saadanhawyz Tuminkery Paradan, 40 indyan. Tuminkery Karichian saadkau sakadinhan wyn 1513 Kristu iaꞌii, atii wyn 98 Kristu daynaꞌan, ynaꞌakan 1600 wyn ysaadkau. Wyryy saadainhayz Tuminkery Paradan, pabiꞌinaak kidiaꞌu pidiannau, kainhaꞌa kazniz taapikinhau, kupaytpayznhau, naubunainhau. Mazan ypyꞌy, aunaa naꞌiaꞌuram saadainhayz saadan panaꞌitiꞌu kywai baurainhau ai. Mazan naꞌap dii yxaꞌapan naꞌap? Yxaꞌapanym kayꞌan Tuminkery Paradan waꞌatin Tuminkery diꞌikiꞌu. (Piaichi 1 Thessalonians [1 Tessalonicenses] 2:13.) Wyryy daunaiuranau aunaa insaadan padiꞌitinpen. “Mazan inkuwadan Tuminkery paradan, kaimenaꞌu durunaa Tuminkery diꞌikiꞌu kainhaabatan idiaꞌanaꞌu in at naꞌapam nii inkian”. (2 Peter [2 Pedro] 1:21) a (Pytykap diuraz kainharibei idiaꞌa.) Kaimenaꞌu durunaa Tuminkery diꞌikiꞌu kaminkeꞌyt daunaiuranau insaad kinha nii Tuminkery Karichian.— 2 Timothy (2 Timóteo) 3:16.

2. Kanum atiꞌu Tuminkery tuman pakarichian?

Tuminkery tuman pakarichian ipei pidiannau at, ‘ipei amazada kawan at, bakadyn kidiaz inwiiz, inparadan naꞌik inmada’. (Piaichi Revelation [Apocalipse] 14:6.) Yryy id, Tuminkery aipenaꞌatiꞌu wyryy ykarichian saadkau pabinaꞌakaꞌu paradakary kid idiaꞌan pauwaꞌa zii bauran karichinhau ai. Irib pidiannau ipei amazada ii aka, tyryy in aichian kaimenaꞌu kywai Tuminkery Karichian diꞌikiꞌu, pawiiz ii uu paparadan idiaꞌan.

3. Naꞌap dii aunaa Yewah taapadan pakarichian mainhaabatkau?

Dirib aimeakan tiween pamainhaabatan Tuminkery Karichian, mazan aunaa kanum maxaatan Tuminkery kuwad kidian pakywa. Pidiꞌitinhap: Kutyaꞌanaa Tuminkery Karichian saadkau aimeakan diꞌit maxaapanaꞌu ymainhaabatinhan. Mazan naꞌapam ykawaan waꞌidiaꞌat atii kai? Daunaiuranau marainpeyznhau Tuminkery Paradan, karikeunan inpainhadpan Tuminkery Karichianaa, inzaidinpeyznii insaad kiz sakichapaꞌa painhaꞌu karichi diꞌit. Bauran kaxaꞌapanaꞌu aimeakan, maꞌuzkaꞌu naubunainhau intiweeyznii kapam pamainhaabatan Tuminkery Karichian. Kichanaꞌikiaꞌu pyꞌy mazan ypyꞌy zii irib pidiannau taapan Tuminkery Karichian aunaa kiz ymainhaabatkau. Naꞌap Isaiah (Isaías) 40:8 kian kawan: “WaTuminkeryn paradan karikeunanyꞌu nii ynaꞌan.”

 PYTUMINHAP PAUWAꞌA ZII

5. Aunaa pidiannau kaꞌichian pamainhaabatan Tuminkery Karichian

 6. Baydap Karichi ipei pidiannau atiꞌu

Tuminkery Karichian taakau irib pidiannau at ipei amazada ii aka naꞌik ysaadkau pabiꞌinaakaꞌu paradakary kid idiaꞌan pauwaꞌa zii ipei bauran karichinhau ai. Yaichi Acts (Atos) 10:34, 35. Ydaynaꞌan ykadakuinhap wyryy aimeakannau daꞌy:

• Kandii nii Tuminkery aipen pakarichian taakau ipei pidiannau at naꞌik ysaadkau pabiꞌinaakaꞌu paradakary idiaꞌan?

• Kanum tyykiaꞌu pynaydpan Tuminkery Karichian idiaꞌa?

 WATUMINHAPNII

Tuminkery Karichian Tuminkery diꞌikiꞌu wyryy, yaipenaꞌatiꞌu wyryy ysaadkau ipei pidiannau at.

Watykap kuxan

• Naꞌapam pytuminpen Tuminkery Paradan kian dun, kaimenaꞌu durunaa idiaꞌanaꞌu daunaiuranau saadan Tuminkery Karichian?

• Naꞌapam pi diꞌitimpen, pytuminpen dun Tuminkery Karichian taakau irib pidiannau at naꞌik ysaadkau dirib paradakary idiaꞌan? Irib pidiannau mainhaabataꞌazun Tuminkery Karichian padamat, mazan kainhaꞌa zii atii kai, naꞌapam pidiꞌitinpen diuraz daꞌy?

• Naꞌapam piabatinpen Tuminkery xaꞌaptan id dirib aimeakan ykuwad kinha nii pakywaa pyꞌat?