Ipei amazada kawan at, dirib pidiannau kian inhau mixidiainhau. Mazan aunaa inmixidian naꞌap kidiaꞌu aimeakan uu aunaa indaꞌanan Disu tuminhapkidnii kawan at. Ykayꞌan naꞌap dii wa aichipan mixiꞌuraz mixidiainhau?

1. Kanum wyryy pidian mixidiaꞌu?

Mixidiaꞌu pidian yryy daꞌanaꞌu Disu Kristu. (Piaichi Acts [Atos] 11:26) Kanum aidi kidian pidian daꞌanan Disu? Disu kinii: “Karikeunanym an yizuꞌatipan unkakinhauri, yryy mixiꞌu unpidianannau ynau.” (John [João] 8:31) Ykayꞌan pidian mixidiaꞌu yizuꞌat kiz Disu tuminhapkidnii kawan at. Disu tuminhapkidiayzun dun ytuminhapkid naꞌik yxaꞌaptin Tuminkery Paradan kawan at. Naꞌap kapam Disu kawan, mixiꞌuraz mixidiainhau inkakuwap naꞌikim inxaꞌaptin Tuminkery Paradan kawan at. — Piaichi Luke (Lucas) 24:27.

2. Naꞌap dii mixiꞌuraz mixidiainhau aidyan pakamarainpenyn?

Disu kinii patuminhapkidiniinhau at: “Ymarainpeaka, naꞌap manawyn unmarainpen kawan ynau.” (John [João] 15:12) Naꞌap dii Disu aidyan pamarainpen patuminhapkidiniinhau at? Ykaminkeꞌytayznii, ymaꞌuzakadayznii patuminhapkidiniinhau naꞌik ynaydpayznii padubtan amazada in tym. Atii ymauwaka patuminhapkidiniinhau dikin ii. (1 John [1 João] 3:16) Naꞌap kapam, mixiꞌuraz mixidiainhau aunaa inkadakuinpen karikeunan man marainhapkary daꞌy, mazan in aidy paxaꞌapainpen idiaꞌan mixiꞌu inmarainpeakan paꞌatiaaka.

3. Xaꞌapauran ymanawynyꞌu kaydinkizei mixiꞌuraz mixidiainhau at?

Disu taanii ymanawynyꞌu kaydinkizei patuminhapkidiniinhau at. “Ydiyydan inmakun inkuwadan an kiz kywai Tuminkery Naubunaitinhan daꞌy.” (Luke [Lucas] 9:2) Wyryy mixidiainhau aunaa inkakuwapan suu chuuchi idiaꞌa karikeunan. Inkakuwapan bauran pabinaꞌakaꞌu amazada diꞌii aka kapam naꞌikim pidiannau dap kawan at. (Piaichi Acts [Atos] 5:42; 17:17.) Aizii naꞌap kapam, mixiꞌu mixidiainhau inkuwad mixi kidiaꞌu Tuminkery Paradan diꞌikiꞌu, aunaa yxaꞌapan naꞌiauram pidiannau maxaapan, mynap uu aunaa, inmakun pidiannau diꞌit inmarainpen id inhau. Yryy id, kunaykii in abatinpen inkaydinhan id patuminhapkidian Tuminkery Paradan daꞌy. — Mark (Marcos) 12:31.

 PYTUMINHAP PAUWAꞌA ZII

4. Mixiꞌu mixidiainhau aichipaꞌazun mixiꞌu Tuminkery Karichian idiaꞌuraz

5. Mixiꞌuraz mixidiainhau kuwad mixiꞌu kywai Tuminkery Paradan diꞌikiꞌu

 6. Mixiꞌuraz mixidiainhau xaꞌapat patuminhapkidian kawan inxaꞌaptin naꞌap patuminhapkidian kawan at

Kanum kaminkeꞌytan Tom ikudan mixiꞌuraz mixidiainhau? Yawynyytap VÍDEO. Ydaynaꞌan ykadakuinhap diuraz aimeakan kid daꞌy:

• Vídeo idiaꞌa, kandii nii Tom kaxadinhan chuuchinhau ai?

• Naꞌap dii Tom aichipan pa ikudan mixiꞌuraz?

Kaimenaꞌu pidian xaꞌapatinhan pauwaꞌa zii suu paparadinhan ai karikeunan. Yaichi Matthew (Mateus) 7:21. Ydaynaꞌan ykadakuinhap diuraz aimeakan daꞌy:

• Kanum pauwaꞌa zii kaimenaꞌu Disu at: suu wakian karikeunan man wamixidian uu wa aidyan waxaꞌapatinhan idiaꞌan kanum wamixidianiaz?

7. Mixiꞌuraz mixidiainhau inmarainpeaka paꞌatiaaka

• Naꞌap dii Disu tuminhapkidininhau (mixiꞌuraz mixidiainhau) taapakayzun paꞌatiaaka? Intaapan nii man pidian panaꞌa ymada panaꞌan an uu bauran wiizai sanan an?

• In aidyan nii man pakamarainpenyn paꞌatiaaka mizaataakary xaꞌapan dun?

 WATUMINHAPNII

Mixiꞌu mixidiainhau in izuꞌat naꞌapam Tuminkery Karichian kian, in aidy pakamarainpenyn naꞌik inkakuwap kaimen kidiaꞌu kywai Tuminkery Paradan diꞌikiꞌu.

Watykap kuxan

• Kanum kawan atiꞌu mixiꞌu mixidiainhau kakuwapan naꞌik inxaꞌapainpen?

• Naꞌapauran kaimenaꞌu kadyz mixiꞌuraz mixidiainhau aidyan nii?

• Xaꞌapauran ymanawynyꞌu kaydinkizei mixiꞌu mixidiainhau at?