Nena Shoobboos
Yesuusa Hayquwa Hassayiyo Baalaa
Qeeraa, Hosppune 4, 2017 (Hosppune 12, 2025)
Miishsha qanxxissenna ha naaꞌꞌu shiiqota shiiqanaadan nena shoobboos
Geeshsha Maxaafaappe Shiiqiya Dumma Haasayaa
“Tumaa Demmana Danddayiyoo?”
Yesuusi tumaa xeelliyagan yootidobaanne nuuni he tumaa awuppe demmana danddayiyakko I qonccissidobaa akeeka.
Yesuusa Hayquwa Hassayiyo Baalaa
He shiiquwan, Yihoowa Markkati Yesuusa hayquwa hassayiyo baalaa I azazidoogaadan bonchchoosona.—Luqaasa 22:19.
Asay Darotoo Oychchiyo Oyshata
Yaana Danddayiyay oonee oonee?
Ubba asay shiiqana danddayees. Ne so asaakka ehaana danddayasa.
Ha prograameti ay keena wodiya ekkiyonaa?
Geeshsha Maxaafaappe shiiqiya dumma haasayay hasttamu daqiiqan wurees. He haasayappe simmin, Geeshsha Maxaafaappe giigida issi huuphe yohuwa bolli shiiqidaageeti issippe tobbiyo, issi saate prograamee deꞌees.
Yesuusa Hayquwa Hassayiyo Baalay issi saatiya gidiya wodiyan wurees.
Awan shiiqiyoo?
Shiiqiyo sohuwa eranawu, qommoora deꞌiya, “Hassayiyo Baalay Bonchchettiyo Sohuwa” woy “Dumma Haasayay Shiiqiyo Sohuwa” giyagaa bochcha.
Shiiqanawu miishsha qanxxisseetii, qassi hara gallakka shiiqanaadan giddeetii?
Chii.
Muxuwataa shiishsheetii?
Chii. Yihoowa Markkati bantta shiiquwan muxuwataa mule shiishshokkona.—Maatiyosa 10:8
Hegawu issi dumma qommo maayo maayana koshshii?
Chii. Shin, Yihoowa Markkati ubbatoo kiphatan, qassi bonchchissiya maayuwa maayanawu baaxetoosona.
Hassayiyo Baalan oosettiyabay aybee?
Shiiqoy doomettiyoynne kuuyettiyoy mazamuriyananne Yihoowa Markkatuppe issoy woossiyo woosaana. Geeshsha Maxaafaappe shiiqiya haasayay deꞌees; he haasayan Yesuusa hayqoy nuussi ay keena koshshiyakko, qassi Xoossaynne Kiristtoosi oottidobay nuna waati maaddiyakko qonccana.
Gujjada eranawu, “Yihoowa Markkati Godaa Kahuwaa Bonchchiyo Ogee Hara Haymaanootetuugaappe Dummatiyoy Aybissee?” giya huuphe yohuwa xeella.
Yesuusa Hayquwa Hassayiyo Baalaa kaalliya layttatun awude bonchchettii?
2017 (2025): Qeeraa, Hosppune 4 (Hosppune 12)
2018 (2026): Hamuusa, Laappune 24 (Hosppune 2)
2019 (2027): Saynno, Laappune 13 (Laappune 22)
Gujjada eranawu, kaallidi deꞌiya biidota beꞌa.
Yesuusa Hayquwa Hassayiyo Baalan oosettiyabay aybakko akeeka, qassi Yesuusa hayqoy sinttappe demissiyo ufayssiyabaa beꞌa.
I nu nagaraa gishshawu hayqqidoogaa siyennan aggakka. Shin issi uri hayqqidoogee miilooniyan qoodettiya asaa tumuppe maaddana danddayii?
Shiiquwaa Addaraashan Oosettiyaabay Aybee?
Nu shiiquwa Addaraashan oosettiyabay aybakko beꞌa.