SINTTA HUUPHE YOHUWAA | GEESHSHA MAXAAFAA XANNAˈANAWU KOYAY?
Ubba Asay Geeshsha Maxaafaa Xannaˈanaadan Giigida Prograamiyaa
Yihoowa Markkati sabbakiyoogan keehi erettoosona. SHin, nuuni kumetta saˈan asaa Geeshsha Maxaafaa xannaˈissiyoogaa eray?
Aginan aginan, 8,000,000ppe dariya Yihoowa Markkati 240ppe dariya biittan 2014n, 9,500,000 gidiya asaa Geeshsha Maxaafaa xannaˈissidosona. * Nunaara Geeshsha Maxaafaa xannaˈiya asay 140 gidiya biittatun huuphen huuphen deˈiya asaa qoodaappe darees!
Yihoowa Markkati he timirttiyawu layttan layttan 700 gidiya qaalan issi biiloonenne bagga gidiya Geeshsha Maxaafata, maxaafata, maxeetetanne Geeshsha Maxaafaa xannaˈanawu maaddiya hara xuufeta attamissoosona! Hegee asay Geeshsha Maxaafaa ba koyido qaalan xannaˈanaadan maaddees.
NUUNI GEESHSHA MAXAAFAA XANNAˈISSIYO PROGRAAMIYAABAA ASAY DAROTOO OYCHIYO OYSHATU ZAARUWAA
Xannaˈiyoobay waani giigidee?
Geeshsha Maxaafaappe dumma dumma qofaa denttidi, hegaara gayttiya Geeshsha Maxaafaa xiqiseta pilggoos. Leemisuwawu, kaallidi deˈiyaageetu mala oyshatuyyo Geeshsha Maxaafan zaaroy deˈees: Xoossay oonee? I ay mala Xoossee? Ayyo sunttay deˈii? I awan deˈii? Nuuni akko shiiqanawu danddayiyoo? Wayssiyaabay he oyshatu zaaroy Geeshsha Maxaafan awan deˈiyaakko eriyoogaa.
Asay he oyshatu zaaruwaa demmanaadan maaddanawu 224 sinttay deˈiyo, Tumuppe Geeshsha Maxaafay Tamaarissiyoy Aybee? giyo maxaafaa goˈettoos. * Ha maxaafay keehi xoqqu ootti xeelliyo Geeshsha Maxaafaa timirtteta asay akeekanaadan maaddanawu giigiis. Ha maxaafay Xoossaabaa, Yesuus Kiristtoosabaa, asaa bolli gakkiya metuwaabaa, dendduwaabaa, woosaabaanne hara darobaa tamaarissees.
Awude, qassi awan xannaˈissana danddayettii?
Neeyyo injjetiya saatiyaaninne sohuwan xannaˈana danddayaasa.
Issitoo xannaˈiyoogee ay keena wodiyan wurii?
Daro asay saaminttan saaminttan issi saate gidiyaagaa he xinaatiyawu bazzees. SHin he saatee hanotaadan hanotaadan laamettana danddayees. Neeyyo injjetiyaagaadan he prograamiyaa giigissana. Issoti issoti saaminttan saaminttan 10 woy 15 daqiiqa xallawu xannaˈoosona.
Xannaˈanawu ay keenaa qanxxana koshshii?
Xinaatiyawunne xannaˈissiyo xuufiyawu miishsha qanxxana koshshenna. Hegee Yesuusi bana kaalliyaageeta, “Intte coo ekkideta; coo immite” giidi azazidoogaara maayettiyaaba.—Maatiyoosa 10:8.
Xinaatee muleera ay keena wodiyan wurii?
Xinaatee wuriyo wodee ne hanotaadaana. Tumuppe Geeshsha Maxaafay Tamaarissiyoy Aybee? giyo maxaafan 19 timirtteti deˈoosona. Neeni doorido timirttee woy qassi ubba timirttee ne hanotaadan wurana danddayees.
Taani Yihoowa Markka Gidana Koshshii?
CHii. Ammaniyoobaa doorana danddayiyo maatay issi urawu deˈiyoogaa akeekoos. SHin Geeshsha Maxaafaappe keehi koshshiyaabaa erida asaa, eridobay loˈˈobaa dooranaadan maaddana danddayees.
Hara qofaa awuppe demmana danddayiyaanaa?
Yihoowa Markkatu ammanuwaabaanne oosuwaabaa jw.org Weyb sayttee suure qofaa yootees.
Geeshsha Maxaafaa xannaˈanawu waata oychana danddayiyaanaa?
-
Intternneetiyan www.jw.org Weyb sayttiyan oycha.
-
Ne heeran deˈiya Yihoowa Markkatuura gaytta.
Hageeta Beꞌadii?
NUBAA
Geeshsha Maxaafaa Waati Xannaꞌiyoo?
Yihoowa Markkati miishsha qanxxissennan kumetta alamiyan hagaadan Geeshsha Maxaafaa xannaꞌissoosona. Waati xannaꞌissiyaakko beꞌa.
NUBAA
Geeshsha Maxaafaa Tamaaranawu Oychcha
Geeshsha Maxaafaabaa woy Yihoowa Markkatubaa loytta erana.
NUBAA
Geeshsha Maxaafaa Xannaꞌana Koshshiyoy Aybissee?
kumetta saꞌan deꞌiya miilooniyan qoodettiya asay oychchiyo gita oyshatu zaaruwaa Geeshsha Maxaafay yootees. Neenikka etaagaadan zaaruwaa demmana koyay?
