Hiraagaa 6. Saˈa Yuushuwan Sabbakiyoogaa
Hiraagaa 6. Saˈa Yuushuwan Sabbakiyoogaa
“Kawotettaa wonggeliyaa mishiraachchoi sa7a ubban odettana.”—MAA. 24:14.
● Vayita, Pasfike haruuruwan haakkidi deˈiya, Tomatu Arkkiyopelago giyoosan deˈawusu. Tomatu shafiyan shaahettida, 80 gidiya mela biittati deˈiyoogaanne 802,900 iskkuwer kilo meetire gidikkokka, yan deˈiya asaa qooday 16,000 xalla. Gidikkokka, Yihoowa Markkati Vayitiiranne i shoorotuura gayttidosona. Aybissi? Asay deˈiyoy awaana gidikkokka, Yihoowa Markkati Xoossaa Kawotettaa mishiraachuwaa ubba asau yootanau koyiyo gishshataassa.
HANOTAY AY QONCCISSII? Kawotettaa kiitay saˈan ubbasan odettiiddi deˈees. Yihoowa Markkati 2010 xallan, 236 biittatun 1.6 biilooneppe dariya saatiyaa mishiraachuwaa sabbakidosona. Hegee, Yihoowa Markkati ubbay hachi hachi 30 daqiiqaa sabbakidosona giyoogaa. Eti aadhida tammu layttan Geeshsha Maxaafaa tamaarissanau maaddiya 20 biilooneppe dariya xuufiyaa attamidi asau immidosona.
DAROTOO ASAY WOYGII? SHaˈan qoodettiya layttau Geeshsha Maxaafan deˈiya kiitay asau odettiis.
HEGEE TUMEE? Daroti Geeshsha Maxaafan deˈiya kiitaa xeelliyaagan sabbakidoogee tuma. SHin daroti hegaadan oottidoy amarida heeran guutta wode xallaassa. Hegaappe dumma hanotan, Yihoowa Markkati xeetu miilooniyan qoodettiya asau alame yuushuwan aggennan ubbatoo sabbakiiddi deˈoosona. Asaa naatu taarikiyan wolqqaamanne meqetti baynna kawotettatuppe iita yedetay gakkishinkka, Yihoowa Markkati sabbakiyoogaa aggibookkona. * (Mar. 13:13) Hegaa bollikka, Yihoowa Markkati sabbakiyoy miishshi qanxxettiina gidenna. SHin eti dosan bantta wodiyaa he oosuwau goˈettoosona; qassi xuufiyaa bayzzennan coo immoosona. Eta oosuwau koshshiyaabay ubbay kumiyoy asay ba dosan immiyo miishshaana.
NE QOFAY AYBEE? “Kawotettaa wonggeliyaa mishiraachchoi” alame yuushuwan sabbakettiiddi deˈii? Ha hiraagay polettiyoogee sinttappe loˈˈobay yaana giyoogee?
[Tohossa qofaa]
^ MENT. 6 Aaho qofaa demmanau Yihoowa Markkati giigissido, “Paaciyaa Wode Gencciyoogaa,” “Perppil Triyanggils,” qassi “Yihoowa Markkati Naazi Qohuwaa Genccidosona” giya heezzu biiduwaa beˈa.
[Sinttaa 9n deʼiyaagaa qonccissuwaa]
“Yihooway paqqadido peeshshan, demmiyo injje ubbaa goˈettidi Kawotettaa mishiraachuwaa mishettidi ubbatoo asau sabbakana.”—2010 YIHOOWA MARKKATU LAYTTA MAXAAFAA.
