Xoossay Taayyo Qoppii?

Asay darotoo zaariyo zaaruwaa:

▪ “Wolqqaama Xoossaa ta metuwaabay qofissenna.”

▪ “I taassi qoppiyaaba tau milatenna.”

Yesuusi woygidee?

▪ “Ichchashu siine kafoti santtimiyan baizettokkonaayye? Etappe issinnonne Xoossai dogenna. SHin harai atto intte huuphiyan de7⁠iya binnaana ubbaikka qoodan de7⁠ees; simmi yayyoppite; daro siine kafotuppe intte aadhdheeta.” (Luqaasa 12:6, 7) Xoossay nuussi qoppiyoogaa Yesuusi tamaarissidoogee qoncce.

▪ “‘Nuuni ai maanee? Woi ai uyanee? Woi ai maayanee?’ yaagidi hirggoppite. Aissi giikko, he ubbabaa Xoossaa ammanennaageeti darissidi koyoosona; he ubbai inttena koshshiyoogaa saluwan de7⁠iya intte Aawai erees.” (Maatiyoosa 6:31, 32) Xoossay nuussi koshshiyaabaa eriyoogaa Yesuusi erees.

XOOSSAY nuussi qoppiyoogaa Geeshsha Maxaafay geeshshidi yootees. (Mazamure 55:22; 1 PHeexiroosa 5:7) Yaatin, ha wodiyan nuna daro metoy gakkiyoy aybissee? Xoossay siiqiyaagaanne keehippe wolqqaama gidikko, aybissi tuggaa xayssennee?

Hegaa zaaroy daroti akeekibeennabaara gayttidaba; hegeekka, ha iita alamiyaa haariyay Seexaanaa Dabloosa gidiyoogaa. Seexaanay Yesuusa paaccido wode, ha alamiyaa kawotettata ubbaa assi immanau: “Ha wolqqa ubbainne bonchchoi taassi imettido gishshau, taani dosiyo oossinne immana; neessikka immana” yaagiis.—Luqaasa 4:5-7.

Seexaanay ha alamiyaa haaranaadan oottiday oonee? Asaa naatu koyro aawaynne aayyiyaa, Addaameenne Hewaana Xoossaayyo zokkuwaa zaaridi Seexaanau azazettido wode, eti oottidobay Seexaanay banttana haaranaadan dooridoogaa bessees. He makkalaappe doommidi, Seexaanaa haaroy aynne goˈˈennaba gidiyoogaa bessanau Xoossaa Yihooway danddayan wodiyaa immiis. Yihooway asay baayyo oottanaadan wolqqanttenna; gidikkonne nuuni akko simmanaadan ogiyaa dooyiis.—Roome 5:10.

Xoossay nuussi qoppiyo gishshau, Yesuusi Seexaanaa haaruwaappe nuna kessanaadan giigissuwaa oottiis. Mata wode Yesuusi, “ hayquwaa kaalettiyo wolqqay deˈiyo Dabloosa” xayssana. (Ibraawe 2:14, NW) Hegaadan oottiyoogan i “xalahe halaqaa oosuwaa” xayssana.—1 Yohaannisa 3:8.

Ha saˈay gannate gidana. He wode Xoossay “aifiyaappe afutta ubbaa quccana. Hagaappe sinttanau haiqoinne kayyoi woi waasoinne sahoi de7⁠enna. Aissi giikko, ceegabai” xayana.—Ajjuutaa 21:4, 5. *

[Tohossa qofata]

[Sinttaa 8n deʼiya misiliyaa qonccissuwaa]

Ha saˈay gannate gidana