Giriiketto Geeshsha Maxaafaa taarikee ha shaahuwan doommees. Yesuusi guutta kataman, hiyyeesa keetta asaappe yelettiis. I ba aawaa anaaxiyaara oottiis. Yesuusi asaa ashshiyaagaa. I saluwaa Kawotettawu Kawo gidanaadan Yihooway dooriis. Neeni aawa woy aayo gidikko, Yesuusi diccido keettaanne heeraa Yihooway waatidi akeekan dooridaakko ne naˈay akeekidi nashshanaadan maadda. Heeroodisi Yesuusa worennaadan Yihooway waati naagidaakko, qassi Yihoowa halchuwaa aybinne teqqana danddayennaagaa loytta qoppa. Yohaannisi Yesuusawu ogiyaa giigissanaadan Yihooway  waatidi oottidaakko akeeka. Yesuusi yelagatettankka Yihoowa aadhida eratettaa siiqiyoogaa waatidi bessidaakko qonccissa.