Yesuusi, “Intte coo ekkideta; coo immite” yaagi tamaarissiis. (Maa 10:⁠8) Nuuni Geeshsha Maxaafaa woy nu xuufeta miishsha qanxxissennan asawu immiyoogan he qoncce azazuwaa azazettoos. (2Qor 2:17) Gidikkokka, he xuufetun Xoossaa Qaalaappe ekettida alꞌꞌobay deꞌees. Daro daafuraaninne daro miishshan xuufeta attamidi kumetta saꞌan deꞌiya gubaaꞌetussi gattoos. Hegaa gishshawu, nuussi koshshiya xuufe xalla ekkana bessees.

Dabaaban markkattiyo wodekka gidin, haratuyyo xuufiyaa immiyo wode akeekancha gidite. (Maa 7:⁠6) Ogiyaara biya ubbawu xuufiyaa immiyoogaappe eta haasayissiyoogan tumuppe koyiya asakkonne eranawu malite. Hagan saaxiniyan deꞌiya oyshatuppe baa giishin issuwaa zaaroy ee gidanee? Izaawu wozanappe koyiya aggiya intte shaakki eranawu metootikko, trakttiyaa immiyoogee loꞌꞌo. Izaawu inttena maxeetiyaa woy hara xuufiyaa oychikko, issuwaa ufayttidi immiyoogee bessiyaaba.​—⁠Lee 3:​27, 28.