Ha wodiyan, miilooniyan qoodettiya asay xaafettidabaa, eraadooniyaa, televizhiiniyaanne Intternneetiyaa goꞌettidi oduwaa sohuwaara kiittana danddayees. “Tumaa Xoossau” goynniyaageeti qoppennankka gidin worddo oduwaa aassanawu koyokkona. (Maz 31:5; Kes 23:1) Worddobaa haratussi odiyoogee keehi qohana danddayees. Issibay tumakkonne kuuyanawu baaxetiyo wode, nena hagaadan oychcha:

• ‘Taani hegaa ta ammanettiyo uraappe siyidanaa?’ He oduwaa yootiya uri hegaabaa wurssi erennan aggana danddayees. Asay issi oduwaa hara asawu yootiyo wode wurssettan laamettana danddayiyo gishshawu, he odoy waani doommidaakko neeni erennaba gidikko naagetta. Gubaaꞌiyan aawatettay deꞌiyoogeeti yootiyoobay ammanttiyaagaa gidiyo gishshawu, tumakkonne shaakki erennabaa yootiyo wode eti keehi naagettana bessees

• ‘He odoy asa sunttaa mooriyaabee?’ He odoy issi ura woy issi citaa sunttaa mooriyaaba gidikko, nuuni hegaa siyana koshshenna.—Lee 18:8; Pili 4:8

• ‘He odoy tumee?’ Keehi garamissiya oduwaa woy hanotaa siyiyo wode naagetta

ZIGIRSSA WAATI XAYSSANA DANDDAYIYOO? GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Leemiso 12:18y yootiyoogaadan, haasayiyoobay gattiyo qohoy aybee?

• Harata xeelliyaagan nuuni haasayiyooban akeekanchcha gidanaadan Piliphphisiyuusa 2:4y nuna waati maaddii?

• Asay harata toochchiyoogaa woy haratubaa iitabaa haasayiyo wode nuuni waatana bessii?

• Nuuni haratubaa haasayanaappe kase, nuna oychchana koshshiya oyshati awugeetee?